月經時間
8月27-9月2
9月24-30
10月 22-28
11月29- 12月5
12月吞左去1月1
1月1-7
1月24-30
1月30 無套外射，無插好耐，途中佢有抹過自己
印象中個日係清乾淨m.完m既第1/2日
2月1718有用套 (有檢查無穿，有戴好
2月29號今日仲未黎m
(今日29號飲左第3日桂圓紅棗茶補血都未黎
會唔會有左？
平時黎m 10次有9次都痛
但今次無m痛無感覺
平時黎m胸會脹痛，今個月有漲過幾日之後無左，但無黎m
(曾經都有一個月試過咁，不過最後係遲然後少少m痛有黎m)
之前有因為激素試過遲m，依加已經無食3個星期
呢個星期都無分泌物，無特別唔舒服，24號開始心情緊張，同不停上網睇資料，朝早尿有少少味(同平時唔同，化學/藥味？但我無食藥，不過唔知係咪尿道炎，一個星期前去廁所有一次痛之後無事無痛所以無睇醫生)
(上網睇過有左可能尿味都有唔同)
我會唔會係有左…？
第一次體外射諗住m完安全期，以後真係唔敢博
求解答，謝謝
首先想妳知道用安全期避孕其實唔係一個有效嘅方法黎嘅，因為月經週期可以俾好多因素影響，變相較難準確推算出一個絕對『安全』嘅日期。加上每個人排卵嘅時間都唔同，而且月經同排卵有機會撞期，所以即使岩岩黎完m亦都有機會受孕嘅。所以建議妳每次嘅性行為都使用安全套，咁就唔洗咁擔心啦~
至於睇返妳宜家嘅情況，正如我頭先所講，經期不穩定係受好多因素影響嘅，例如唔夠休息、心理壓力大、服食過藥物、飲食習慣改變等等，所以你宜家未黎m都唔一定係有左。但係如果真係好擔心嘅，妳都可以買驗孕棒check下，可以買一兩個牌子去驗，如果兩個都係陰性，咁就應該係無懷孕啦。
另外妳提到朝早啲尿有少少味同埋之前試過去廁所嘅時候有痛，雖然宜家無痛，但係如果持續聞到小便有異味嘅話都建議妳去睇醫生了解下身體狀況，因為依個都係身體嘅一個警號，而且感染左尿道炎之後都有機會只係小便有異味而無小便疼痛嘅徵狀。
謝謝你，今日3月4，用晨尿用萬寧牌驗孕棒驗過
顯示無懷孕，但我都係未黎m
驗之前有再飲少少水
(因為唔知係咪有少少緊張，所以一起身無好急尿，所以再飲左啲水先驗)
應該要再用其他牌子驗一次嗎？
已經係遲左月經一星期後驗，結果應該係準既？
好耐無試過遲咁多黎m，有啲擔心
你今日驗孕，因為距離1月30嘅性行為已經超過一個月時間，亦距離2月17/18嘅性行為15/16日，加上已經係過咗預計嘅日子，所以結果係相當準確嘅。只要你有按住盒內說明書嘅指示去驗同埋觀察結果，結果係好信嘅。原則上你飲咗少少水對結果係無太大影響嘅，不過如果你覺得唔放心都可以再買另一個牌子去驗一次，好似選擇一啲電子顯示/有顯示埋懷孕週數嘅款式去驗，咁都會容易啲睇結果嘅！
睇番你前面，之前有試過食一啲激素
你話已經冇食3個星期，推算番日子大概係2月12左右停藥，亦即係你上一次經期（1月24-30）同經期後（1月31至大概2月12日）依然係有食激素嘅。其實一個月經週期係由來月經嘅第一日開始計，直至下次月經來之前果日為之一個完整週期。即係話你對上一個月經週期係1月1日至1月23日，而最近一個週期就係1月24直到現在（嚟m前一日為止）。所以其實你係係呢個月經週期之內仍然有食過激素，而係停止服用後，激素對身體嘅影響未必會即時停止，亦可能需要一啲時間去俾身體適應返。呢個有可能係其中一個令你而家都未出現月經嘅原因。
基於你已經驗孕，而結果係陰性，係可以排除懷孕嘅可能性。之前Ana有提及過一啲其他會影響經期嘅原因，可能最近你因為擔心未嚟m情緒都有啲起復，都有機會進一步影響到你嘅月經嘅。你可以試下嘗試放鬆落嚟，做一啲自己喜歡嘅活動，令自己分散一下注意力，亦比啲空間身體去恢復。除此之外，你都可以嘗試去搵返一開始處方激素比你嘅醫生，同佢講返你嘅情況，睇下有無需要做其他方面嘅檢查，或者佢會唔會有其他意見。