之前磨床自慰，上網見到有人之後同老婆性交不能射，現在我嘗試用手卻沒有什麽感覺，只有點酸痛，請問是什麽問題？
Hello 你見到網上有人係自慰後無法射精嘅情況有機會係因為兩件事情之間相隔唔夠耐，因為身體係射精後需要時間去回復之後先可以再次勃起同射精，基於每個人身體狀況都唔同，實質需要嘅時間都會有唔同，但平均相隔1－2小時會比較好。所以如果係性行為前過份頻密地自慰，例如性交前一晚／幾個鐘先自慰幾次，亦有機會導致類似嘅情況發生。另外一個可能導致呢個情況發生嘅原因係，自慰帶來嘅刺激感比真實性交大，令身體習慣咗係自慰時受到高度刺激後射精，係性行為期間如果刺激度相差太遠，身體就可能需要耐啲時間或者大幅度啲刺激性可以去到高潮射精。始終自慰時可以由自己控制速度，時間同埋力度，容易啲調節至自己喜歡／覺得滿足嘅方式，係控制高潮射精方面亦被性交（例如陰道交）更容易，所以亦可能感覺係自慰時容易啲做到射精。
除此之外，無法射精都可以有好多其他原因，例如係果日狀態唔好，訓得唔夠，或者好攰呢啲睇落好似好平凡嘅原因。所以即使遇到都唔需要太擔心嘅，可以留意多一排身體狀況再去判斷。網上你睇到嘅分享，我哋都未必好清楚真實嘅原因，同埋當事人發生無法射精時當日嘅情況或者一向嘅習慣，所以當能夠因此就下定論佢係因為試過自慰而無法射精。
至於你嘅情況，磨床自慰係一個好常見嘅自慰方式嚟嘅，原則上對身體唔會有啲咩傷害。你覺得有啲酸痛好有機會係身體表示覺得未足夠休息嘅訊息嚟，就好似當你做完劇烈運動之後身體肌肉都會有酸痛嘅感覺，需要一段時間休息之後就會回復返以往嘅狀態。可以試下比自己休息多幾日再去嘗試，或者試多啲唔同嘅自慰方式，比身體適應唔同形式同程度嘅刺激，咁都可以減少身體習慣要某一種刺激先可以射精嘅情況。