我係女性 下體毛毛位成日生不明粒粒 不定時會好癢但唔痛 粒粒r損左之後會流血 同結蕉 平時底褲都係自己用手洗 睇過醫生比左啲藥膏我搽 但好似無咩用 醫生又無講係咩問題 曾經感染過衣原體又有無關係？有咩方法可解決 問題纏繞左好耐
首先，講番你嘅情況應該同衣原體無關，因為衣原體主要同尿道炎／尿道感染有關係。感染其他性病嘅機會都唔大。
而有關粒粒方面，想了解番你嘅情況先～ 
想問問
（1）你下體出現嘅粒粒大概係點樣？（例如有含膿嗎？係咪似暗瘡咁？）
（2）你指嘅「成日」生粒粒，大概係幾耐會生一次？
如果你嘅情況係同暗瘡差不多的話，咁生粒粒嘅成因就有機會係同衞生問題，同埋皮脂腺阻塞有關係。陰毛或者陰部嘅部分係會同我地一般皮膚一樣，生同暗瘡差不多嘅粒粒。如果內褲唔夠透氣，或者天氣較焗，下體就會容易生粒狀物。所以都想了解下你洗內褲嘅時候，一般會點樣清洗？（例如會唔會加氣味比較強烈嘅柔順劑／清潔劑？）或者內褲平日係著咩質料？係咪比較透氣嘅？
如果醫生比你嘅藥膏係無咩效，而呢個問題都有繼續持續出現，都建議你可能再睇睇其他醫生，睇下會唔會有其他嘅藥／治療可以幫到你～
1個讚
咁情況我應該睇咩科醫生
如果去睇家計會醫生有無用？
（1）粒粒唔會含膿 會有小小腫起身 肉睇睇唔出 似係r損左個毛孔咁
（2）長期都有 但會不斷改位置 一癢就r r到停唔到手 平時無咩癢既感覺 但去完小便就會有啲癢
底褲全部都係綿質 用專洗底褲既液黎手洗
Thankyou~~~~~
同埋感覺好似有啲性冷感 最近進行中都好似無以往咁濕
睇返你嘅情況，如果係陰毛度出現痕癢，肉眼睇唔出嘅粒粒，好似抓損咗嘅情況，或者有機會都係陰蝨。都想問返你少少情況：
- 係咪淨係係陰毛度出現咁嘅情況？
- 會唔會特別係做愛之後有更嚴重嘅情況出現？
如果擔心嘅話，其實可以去社會衛生科做檢查架。陰蝨只要跟足醫生指示搽藥膏同食藥就可以好煩架啦，唔洗咁擔心。如果真係check到有陰蝨的話，最好叫埋你個伴侶一齊去檢查，因為陰蝨就算戴咗安全套都會傳染架。
你所講嘅唔夠濕，可能係巴氏腺液減少，可以有好多因素影響到，有可能係生活習慣嘅改變，壓力太大等等，而巴氏腺液減少唔代表你係性冷感架，如果你依然能夠享受高潮帶俾妳嘅快感，享受同人做愛嘅歡愉，都唔會係性冷感架。最近發生咗咩事，令你咁擔心自己係咪性冷感呀？