幫男朋友含 跟住佢就射咗 然後我哋用咗滴露濕紙巾抹乾淨佢下體 同埋我哋隻手 跟住佢再用手摸我下體 手指冇人都個窿到 咁樣會唔會懷孕?我真係好驚 同埋本身冇記錄自己月經日期 所以更加害怕
你一樣野係幫男朋友打飛機 龜頭冇濕 應該冇前列腺液 佢亦都冇射精 幫佢打完飛機之後 我冇抹手 就摸自己下體嘅唇位1下 同埋男朋友用自己下體撞咗我clitoris 嗰個位 咁樣會懷孕嗎?
幫男朋友含 跟住佢就射咗 然後我哋用咗滴露濕紙巾抹乾淨佢下體 同埋我哋隻手 跟住佢再用手摸我下體 手指冇人都個窿到 咁樣會唔會懷孕?我真係好驚 同埋本身冇記錄自己月經日期 所以更加害怕
你一樣野係幫男朋友打飛機 龜頭冇濕 應該冇前列腺液 佢亦都冇射精 幫佢打完飛機之後 我冇抹手 就摸自己下體嘅唇位1下 同埋男朋友用自己下體撞咗我clitoris 嗰個位 咁樣會懷孕嗎?
相補一補充 自己仍然係處女
照你所講嘅情況懷孕嘅機會極低阿,唔洗太擔心 因爲精子接觸到空氣之後通常喺幾分鐘內就會死亡,而且喺無進行插入式性行為嘅情況下精子係無辦法游到入去陰道,所以係唔會受孕架~
至於你提到本身無記錄經期嘅習慣所以更加驚有左,其實經期不穩定都受好多唔同嘅因素影響架,例如長期處於擔心嘅狀態、生活作息習慣改變、服食過藥物等等,所以如果發現經期比預期遲黎都唔洗太擔心住,可以先嘗試放鬆心情同維持規律嘅作息同飲食習慣。不過如果想了解多啲自己嘅月經週期嘅話,都可以試下使用記錄經期嘅app
唔該曬你啊
如果有前列腺液會懷孕嗎?
想了解番你想問嘅係前列腺液,還是性興奮嘅時候「陰莖分泌嘅透明液體」?因為兩者係有分別架~
首先,前列腺液 (prostatic fluid),係由前列腺產生。刺激男性前列腺嘅時候,例如肛交,令佢感到性興奮,就會分泌奶白色嘅前列腺液。當男女進行性行為時,男性係性興奮既情況下亦會分泌前列腺液,不過大部分時間都係射精既時候隨精液一齊射出,係精液成分中既一種,大約佔30%。主要功能係提供精子需要嘅養分,同埋增加精子嘅存活率及移動性。
純粹只有前列腺液的話,係唔會令到女性懷孕。但因為一般前列腺液係會伴隨精液射出,所以咁嘅情況係會有懷孕風險。
而一般人所講嘅pre-cum ,當男性處於性興奮而未射精嘅時候時,陰莖分泌嘅透明無色液體,其實係叫尿道球腺液 (pre-ejaculate / Cowper’s fluid) 主要功能係提供潤滑作用,同埋中和酸性(陰道環境係酸性,而精子系酸性嘅環境係會有害,所以中和酸性有助增提高精子存活率)。
尿道球腺液中係含有少量精子,有機會導致女性懷孕 因此體外射精嘅避孕方式係有懷孕嘅風險架~ 所以都好建議大家整個性行為過程中,都要戴好安全套,咁就大大降低懷孕同埋性病傳播嘅風險
應該係性興奮嘅時候個啲液體 透明嘅
幫佢用手打飛機嘅時候 唔肯定佢個頭有冇灦 如果有嘅話係唔係有精子? 我地冇插入 亦冇係陰莖口摩擦
咁係尿道球腺液啦
如果手交(打飛機)嘅時候,男友感到性興奮,陰莖龜頭部分流出透明液體,咁就係尿道球腺液。如上文所講, 尿道球腺液內係含有少量精子。
正如 @Ana_StickyRiceLove 所講,精子暴露系空氣中,幾分鐘內就會死亡。所以如果無進行插入式行為,亦無系陰道口/陰道附近範圍摩擦的話,咁尿道球腺液內含有嘅精子,好大機會系暴露系空氣中嘅時候,已經死亡,亦難以游入陰道內
不過之後都建議番接觸過對方性器官之後,都應該先清洗自己雙手,再繼續其他性行為,咁就無咁擔心啦
佢用下體撞左clitoris一下就冇啦
同埋嗰陣時摸過佢下體 除龜頭之外 跟著隔左一陣就摸左自己下體一下 會唔會有事
如果冇插入的話 懷孕機率高嗎?
好似 @Ana_StickyRiceLove 咁樣講,如果無插入式行為嘅話,懷孕風險係極低嘅,因為精子係需要大量嘅前列腺液去幫助佢遊去卵子度,所以你地無插入式性行為,精子好難遊到去子宮度同卵子結合。
同樣嘅道理,即使你男朋友用陰莖「撞左clitoris一下」,啲精液的確係會沾係陰道口,但係啲精子暴露咗係空氣度,好快就會死亡,更加無辦法由陰道口游入去子宮,再係子宮裡面同卵子結合,所以懷孕風險係極低嘅。
至於你話「摸過佢下體 除龜頭之外 跟著隔左一陣就摸左自己下體一下」,好似 @Sze_StickyRiceLove 咁講,精子暴露係空氣中好快就會死亡,而你隔咗一陣先去摸佢,啲精子好可能已經死咗,就算未死,都好似頭先咁講,好難由陰道口游入去子宮同卵子結合,所以懷孕風險係極低嘅。