擔心會有咗..

上個月4號女友黎M,跟住我地25號就冇套插入外射,因為女友有用開一個app叫flo,我見個app寫住話排卵日係18號,我就諗應該都冇咩事,但本應個app寫住今月6號黎m,依家8號都未黎,所以有啲擔心…我想知道會唔會中咗?求解答,唔該哂你哋!

首先想講返經期不穩定係會受好多因素影響嘅,例如生活作息習慣改變、心理壓力大、服食過藥物等等,所以即使宜家未黎m都唔一定等於有左嘅。不過都想提醒返男士受到性刺激嘅時候陰莖通常會分泌一啲透明而黏黏地嘅液體,叫做尿道球腺液,當中都含有少量精子嘅,所以建議性行為嘅時候使用返安全套,咁就唔洗之後咁擔心啦:blush:

而宜家如果真係好擔心嘅話,可以買驗孕棒check下,宜家距離你講嘅嗰一次性行為已經超過左10日,所以驗出黎嘅結果係好準確嘅,你可以買兩個牌子嘅驗孕棒黎check下,如果兩個結果都係陰性嘅話咁就真係無懷孕啦~