您好，想問關於經期遲黎嘅問題
女友2月1日黎m
在2月24日有進行性行為，但沒有使用安全套
有內射
到3月8日仍然未黎m
佢懷孕機會高嗎？
佢2月情緒起伏都比較大
謝謝您
1個讚
想了解番本身雙方有無做任何避孕措施？例如女方有無服用開口服事前避孕藥？
如果無做其他避孕措施，而性行為過程中亦無用到安全套的話，其實睇你嘅情況懷孕風險係好高。因為精子系內射過程中，係絕對有機會進入女生嘅陰道內，並進入卵子，形成受精卵令女方懷孕。
建議儘快買1-2支驗孕棒驗孕（2支的話結果更可靠），咁樣先能夠準確話到比你知2月24日嘅性行為有無導致懷孕。而今日已經係3月9日，相信驗孕結果係準確嘅（一般建議性行為後第11日之後驗孕，結果會較準確）。
亦提醒番，下次進行性行為之前，如果係無懷孕打算的話，記得要做番好安全措施，整個性行為過程中都戴番安全套，咁就可以一方面避免懷孕風險，另一方面更可以減低性病傳播嘅機會。
同埋都補充番，女朋友2月情緒起伏比較大的話，係會進一步影響排卵同月經週期。
所以綜合番各方面資訊，2月24日嘅性行為係有懷孕風險架。建議先驗孕。
1個讚
感謝回覆
佢係3月10開始已經黎番m
到今日已經有4日
請問咁樣係咪大致上可以confirm佢冇懷孕？
再一次感謝你地回覆
其實有月經基本上就唔會係懷孕架啦，因為月經係由於女性體內每個月都會排出一粒卵子，子宮壁膜隨黃體素嘅上升而隨之充血、增厚，準備受精卵著床同孕育胎兒。如果粒卵子無受精嘅話，子宮內膜會停止增厚並且脫落，儲存嘅血液、 殘餘細胞同黏膜會形成經血，從子宮頸口經陰道排出體外，所以就會有月經。呢個時候子宮內嘅卵子已經排出，唔會再同精子結合，因此月經嚟咗就唔會係懷孕架啦。
不過都係好似 @Sze_StickyRiceLove 講，下次係無打算懷孕嘅情況底下，記住做好避孕嘅措施，用埋安全套，減低性病傳播嘅風險，咁就做得開心又放心啦～