女友2月10左右黎M，之後有過性行為幾次，一次係帶套入左，但係最後除套口交射左，其他都系口交加手交。原本應該係前幾日黎M，但係到而家都冇黎到，而我女友黎M都有啲唔穩定，成日都1個月黎2次，但係都試過1個月多幾日先黎，好擔心佢會有左。
照你所講嘅情況 ，懷孕嘅機會好低啊 ，唔洗太擔心
如果喺性行為嘅時候有正確使用安全套嘅話 ，懷孕嘅機會係唔大嘅 ，見你話
我諗你係擔心咁樣會有機會懷孕，但其實喺精子接觸到空氣之後通常喺幾分鐘內就會死亡 ，而且口交同手交係唔會受孕架 ，因為精子係游唔到入陰道嘅 。
至於經期不穩定係受好多唔同嘅因素影響嘅，例如生活作息習慣改變、心理壓力大、服食過藥物等等，而少女亦都有機會因為荷爾蒙唔穩定而令經期唔穩定。不過見你話你女朋友一向經期都有啲唔穩定，可以考慮去搵醫生作一個詳細嘅體內荷爾蒙檢查。
明白曬 多謝你解答我同埋解決左我嘅焦慮
都想問返其實月經過左預定嘅幾多日先叫唔正常
其實無所謂嘅正常日數架~ 因為月經嘅週期長短因人而異，唔一定係28日為一個週期，不過如果喺未黎m之前你地好擔心/你女朋友有任何身體不適嘅話都可以去睇醫生了解返身體狀況，咁就唔洗心掛掛啦