擔心,麻煩解答

你好,我的經期日子係3/2-3/6,在3/16發生性行為,在插入過程中有帶套內射,之後檢查過無漏!我一向都有記錄排卵期同經期習慣!3/16仲未排卵,有啲擔心!但係我身體關係唔可以用藥物性避孕,應該要服用緊急避孕丸嗎?但我之前試過服食避孕藥物就搞到經期亂哂同唔舒服,而家可以點做?係咪最快等到7日後先可以驗孕?

如果你16/3呢次性行為係有戴安全套進行,而且檢查過無漏的話,懷孕風險係好低啊:wink: 可以放心一下先~ 還是過程有無發生其他事,令你覺得今次會有懷孕風險?:pleading_face:

你指平日有記錄排卵期同經期習慣,係指用apps記錄,定係用其他方法?:blush: 因為除非你有用排卵棒呢類工具測自己有無排卵,否則我地一般都比較難準確知道邊一日排卵,只能夠大概知道排卵期係大概邊幾日:grinning:

而你亦講到你因為身體原因,唔可以用藥物性避孕,係咪之前試過服用邊一個牌子嘅避孕藥,令你覺得唔舒服?因為每個避孕藥牌子內含嘅荷爾蒙種類、含量都會唔同,可能都會有其他牌子嘅會比較適合你。如果你都擔心戴套係唔夠,想服用埋口服避孕藥的話,都可以考慮去家計會搵醫生討論:woman_health_worker:t2::man_health_worker:t2:,同醫生講你以前用過邊個牌子嘅避孕藥,有唔舒服嘅情況出現,睇下會唔會有其他牌子比較適合你:relaxed: 醫生亦會睇下你呢個情況適唔適合食事後丸,因為事後丸內含有嘅荷爾蒙亦會同其他避孕丸成分唔同。或者都可以考慮使用避孕環(非藥物性嘅避孕方式)~:wink:

唔該晒你回覆,我早半年前服用避孕藥物引致身體不適,睇醫生建議停藥等身體復元,我都有用app記錄及加上用排卵試紙做測試嚟計算經期!因為怕比較接近排卵期所以擔心!我怕需要再試用緊急避孕藥會再引起不適:confounded:
我唔食藥係咪要等多個星期先可驗孕?

咁當時醫生有無話你可以嘗試轉用其他牌子嘅避孕藥物,還是話你嘅體質係唔適合服用口服避孕藥?:blush:

的確服用緊急避孕藥之前,最好先諮詢醫生嘅意見,避免引起不適啊~ 建議可以去睇睇家計會醫生,等醫生睇下你係咪適合服用口服避孕藥及緊急避孕藥,或者咩牌子嘅藥物會比較適合你嘅體質。

基本上有正確使用安全套,而安全套系性行為過程係無穿到的話,避孕率係好高,唔需要太擔心:relaxed: 如果擔心的話,最快性行為7日後已經可以有一個初步結果,因為受精卵最快6、7日開始分泌孕激素 (HCG)。而一般受精卵著床需要最少11日,著床之後就會分泌大量HCG,所以性行為11日後檢測就會係比較準確啦~ :wink:

之前醫生係話我嘅身體唔適合服用荷爾蒙及雌激素類嘅藥物,所以我怕撞啱排卵期先會咁擔心!唯有等多幾日先驗孕確認啦:pensive:

Hi Soy,雖然呢幾日惟有等驗孕,但都想同你講,其實唔需要咁緊張:)因為你既情況(正確使用安全套+無穿)避孕成功率係非常高,一般避孕藥多數也是99%成功率,而正確使用condom都有98%呀。所以呢幾日可以放輕鬆,唔好俾自己太大壓力阿~

另一方面,見你對宜家既避孕方法都有啲緊張,都想再跟進返少少。首先想麻煩你clarify少少,1)你當時係服用完長期避孕藥身體唔舒服,定係服用緊急避孕(事後丸)後身體唔舒服?2)當時醫生話你係唔適合服用所有含荷爾蒙既避孕藥,定係唔適合食含雌激素(oestrogen)既避孕藥?因為比較常見既情況,係女性係唔可以食雌激素,而因應呢種情況,宜家市面上都有僅含孕激素(progestogen)既避孕藥(即progestogen-only pill),除可以自己係出面買到外,家計會會都有提供,唔知有冇機會適合你使用呢?

另一方面,唔知你採用既排卵試紙係邊一款,同埋你係幾耐測一次?因為一般見到既排卵試紙類型,係預測身體未來24-48小時會唔會排卵,都要測幾日先知道。不過見你最初個post話到16號仲未排卵,係驗咗果一日未排卵,定係連續驗咗幾日都未排卵?

Hi
我早在一年半前曾經試過服用緊急避孕藥一次,之後半年嘅經期都出現混亂,所以去睇醫生發現我有輕微朱古力瘤同水瘤再跟進調經,醫生試過處方最低劑量嘅口服避孕藥(優思明),試咗半年副作用一直都無好轉!醫生話我身體對激素反應過敏⋯於是就選擇放棄口服藥物去避,我轉咗睇中醫調經後身體都好返啲
另外我有check返排卵期去記錄經期狀況,我每日都有量度基礎體溫,每月週期第九或十日開始用排卵試紙測試,直到排卵日⋯

補充
3/16測試未排卵

明白,如果身體唔適應荷爾蒙避孕法,醫生亦話你身體對激素反應過敏,亦好大機會身體未必適合事後丸。不過睇番你嘅情況其實都有做足安全措施,而且你有恆常地用排卵試紙去測試排卵同紀律,16號當日係未排卵,所以果次嘅性行為會有懷孕嘅風險係好微,唔使擔心。

除咗安全套,係荷爾蒙避孕法之外,其實仲有子宮環可以選擇,亦係一個高避孕率嘅方法。不過因為係需要將子宮環放置係子宮腔內,詳情可以睇下 https://www.famplan.org.hk/zh/health-info/contraceptive-methods/intra-uterine-contraceptive-device-iucd 。 不過呢項都唔係所有女性都適合嘅方法,如果試過有盤腔炎、子宮感染等嘅女性都唔適合。因為你有有輕微朱古力瘤同水瘤,所以如果對呢個方法有興趣,建議您先去家計會預約,等醫生評估一下你嘅情況適唔適合使用子宮環,相信可以令你對避孕更有信心。子宮環除咗可以做長期避孕嘅工具,其實係性行為後5日內佩戴的話一樣可以做到緊急避孕嘅效果,不過你嘅情況都唔需要進行緊急避孕嘅,純粹俾多個資訊你。

但其實安全套有正確使用的話,一樣可以有好高嘅避孕率。如果其他方法都唔適合,安全套依然係一個可靠同容易使用嘅方法呀。

真係好感激你哋嘅回覆!我同伴侶就事件商量過,都認為食藥對我身體唔好,所以都無咁做到,再加上佢覺得都應該安全⋯不過係我自己過分擔心:pensive:
P.S.今早再做排卵測試,結果顯示今日(3/18)係排卵日
而家可以做嘅就係下星期驗孕令自己放心啦!
Many thanks

1個讚