Help！
呢幾日係危險期，琴日男朋友冇用套，淨係係我既外陰道口磨過，完全冇進入陰道/插入。但我feel到男朋友係濕濕地，有液體分泌出黎，雖然唔係射精，但仍擔心有少量精子會混入，之後即刻用淋浴露清潔過下體。
今日去左家計會食事後丸，但已經係事後27小時。加上家計會安排既事後丸既作用係延遲排卵，危險期說明已經排左卵，咁食事後丸仲有冇效？
希望有好心人能夠幫忙解答我，感謝。
你好呀，明白你既擔心，其實你既理解部分係啱㗎，事後丸作用的原理一部分係延遲或抑制排卵，不過佢亦都可以干擾受精過程：）即使女仔已經排卵，事後丸亦可以透過高劑量荷爾蒙改變子宮頸黏液的分泌，令精子卵子更難接觸到同受精，同時亦可以令受精卵難啲著床。
而對於事後丸幾時失效，最穩陣既講法係「當卵子受精且著床後」，如果已經唔到呢個地步，事後丸亦都會冇咗個效果。不過，進行完性行為後係冇咁快就懷孕，一般要6日精子先可以遇到卵子，令女仔受精。之後又再需要大約3-4日受精卵著床，呢個步驟完成後就真係會懷孕喇。因此進行完高風險性行為後，係需要盡快食藥，而越早成功率越高。
所以，你對排卵期既有關顧慮都係合理既～如果有咁既情況，其實最穩陣既緊急避孕方法應該係採取銅既子宮環，因為佢既原理係令精子失去活性，同埋都係唔安全性行為發生後5日之內有效。不過其實你本身懷孕風險都唔高，宜家服用事後丸都已經幫你將懷孕既風險降到最低，可以安心呀：）最後都要提提你，如果預計自己係排卵期內，記得要採取保護措施才最穩陣呀。
1個讚
唔該曬呀
而家個心都叫做定一定啲，之前後會買驗孕棒黎check清楚。
1個讚