岩岩3/3-9/3來m, 平均來m周期都係30日左右，
用左app計排卵期應該係18-20/3， 但14/3果日體外射左，冇做安全措施， 而家有點驚會有左， 係咪應該食事後丸穩陣啲？
謝解答
你好呀，你既情況存在一定懷孕風險，不過相對未算高危。如果你真係好驚、想求穩陣，宜家都可以選擇打去家計會預約食事後丸，佢地提供120小時內有效既事後丸，而姑娘會同你了解咗情況先決定係咪俾藥。視乎你個人選擇，同埋可以承擔幾多風險，食藥唔一定係唯一選擇，你都可以過多幾日，驗孕睇結果，不過咁就要承擔更大風險。
你既避孕方法係有不足之處，亦都希望俾你少少訊息，幫助你選擇更適合自己既避孕方法：）首先有關安全期：安全期最大問題在於只係「預測」，除非度量體溫，否則冇可能100%成功預測排卵日子。無論係自己用周期法計數，定係睇app預測，實際發生係你身體內既情況都可能唔同。假設你提前一日甚至幾日排卵，而精子可以係體內存活1-2日，咁就出現懷孕機會。當然，用app紀錄自己既周期係一個好好既習慣：）但係度都強烈建議你，唔好完全相信上面既「非排卵日」就代表好可靠既安全期預測。始終避孕都係要衡量自己承擔得起既風險，選擇穩陣既方法。
另一方面，體外射精：之所以開頭會話你既情況「有風險，但冇咁高危」，係因為你話唔係體內射精，所以呢一刻都唔知道係咪有精子留係你既陰道（當然，男性於射精前分泌既pre-cum都有少量精子，單係呢種體液已經有懷孕可能，但如果有精子係陰道內，懷孕風險會更加高）。有研究顯示，「完美」體外射精本身既失敗率可以低至4%，但實際生活中，佢既失敗率高達27%。其中原因就係好多時男仔係把握唔到體外射精既時機，好多時以為自己射係出面，但實際已經有部分精液係女仔體內。宜家你既情況雖然唔算好大風險（而且仲有時間選擇事後丸），但都不妨借呢個機會，諗下未來既避孕方法呀～
1個讚
多謝解答～～