3/16號原來係女朋友尼m既日子 但第2日3/17佢就有d淡咖啡色分泌物湧出m巾到 之後第2次去廁所就有少少血係m巾 但柯出黎既尿就唔見有血排出黎 但佢有哂谷m既症狀 腹脹,胸脹,腰有少少痛.同佢性行為,每次都會帶安全套.做足哂安全. 想問下咁既症狀係唔係代表有懷孕定只係身體狀況有問題?
如果你哋一向發生性行為嘅時候都有全程正確地使用安全套，會懷孕嘅風險係比較低嘅。至於出現啡色分泌物，可以有好多可能性：月經前嘅分泌物，陰道有傷口流血，細菌感染，又或者係其他病症，但暫時同懷孕係無直接關係嘅。除咗呢啲分泌物，你女朋友有冇其他症狀，例如覺得下腹痛，小便刺痛或者有其他異常分泌物（例如黃黃綠綠，或者有異味），如果無的話，都可以排除係感染嘅可能性。而如果呢個分泌情況無持續，亦唔需要太過擔心。
加上因為係出現啡色分泌物後有少量血出現，比較大機會係月經前嘅分泌物，或者係性行為期間因磨擦而導致陰道有小傷口流血。擔心的話可以先驗孕確保係無懷孕，令你哋都放心啲。係性行為後11日或者預計月經嘅日子驗孕結果已經相當準確，換言之你哋聽日都已經可以買驗孕棒做測試架啦。
至於你提及嘅「谷m症狀」，其實唔可以單憑呢啲症狀就判斷係咪要嚟月經。因為唔係每個女性每個月都會出現呢啲症狀，即使上個月有都唔代表今個月一定要有。而且好多症狀都可以由唔同身體狀況引起，唔一定係直接因為月經嘅。所以即使出現呢啲症狀但未嚟m都唔使太擔心呀！
好的 唔該哂你><
我再觀察多呢幾日