女朋友遲左黎M 大家都好緊張

同女朋友拍左拖三個幾月 大家都冇性經驗既
女朋友之前都唔會數日子黎M既 係同佢拍拖之後我同佢計過兩個月都穩定係31-32日 女朋友2月8號黎M 照計3月10-11號都已經黎左M 但係到今日都未黎 我地2月尾既時候試過冇隔住任何野磨過私處 Hi到陰道口 Hi過幾下 當時都唔覺自己個龜頭有液體 仲係幾乾 亦都冇射到 之後都係用手 冇再Hi過陰道口 會唔會有事架? 好緊張 有D驚 希望有解答 想安心啲 :pensive:

首先講番懷孕風險方面,陰莖於性興奮嘅時候,已經會分泌出透明嘅尿道球腺液(俗稱pre-cum)。而呢種液體內係含有少量精子,係有機會導致懷孕架。不過睇番你嘅情況,過程中,並無進入插入式行為,而且無喺陰道口附近射精,整體懷孕風險係比較低嘅:blush:

不過都建議番之後不論有無進行插入式性行為,性行為過程中都建議戴番安全套,除左避免性病傳播之外,都可以避免意外發生,咁就令自己同伴侶都放心啦:smiling_face_with_three_hearts:

另外,都想知道以前女朋友有無曾經試過好似今次咁,即係感覺隔大概39-40日都未黎月經?:blush:

因為月經週期可以有好多因素影響,即使過去兩個月都相對穩定,不過今個月都有機會因為例如生活作息唔穩定、情緒壓力大、有服用其他藥物等因素,而有所影響架~ :wink: 會唔會最近有類似嘅情況?

再者,如果女朋友一向係無記錄月經週期嘅習慣的話,只係單靠上兩個月嘅數據,未必係一個準確嘅方式去推測月經週期平均數啊:wink: 建議可以下載番月經週期記錄apps:iphone:,咁就容易D去記錄月經週期,而apps亦會透過過往月經週期記錄,計算番平均月經週期:relaxed: 所以如果女朋友能夠輸入番過去嘅月經日子,話唔定可以更加準確睇到平均月經週期,比自己數會相對準確少少,睇下呢個結果會唔會比較符合依家月經週期嘅情況:grinning:

多謝你咁答,不過女朋友都仲係未黎M,今日已經遲左8日,真係好驚,完全唔知點!如果過多幾日都仲未黎M,可以點做?萬一真係好萬一中左咁點算?好panic! :tired_face::tired_face::tired_face:

其實套既問題,之前真係冇好好諗過,的確唔好。不過其實用套唔知係點樣,應該話都唔係好知點用……我地都未試過真係成功插入,但係試過好似入到少少咁,我都唔知點講,其實整體而言都好似有啲困難咁……

女朋友一直以黎都冇計開,佢最近都冇特別話作息情緒好唔穩定,但都唔知點解會咁既情況,所以先好驚,心諗唔通咁樣都中左……panic左好多日……依家每日都係期待緊佢快D黎到M……我地依家已經download左個app。

其實今次嘅情況,你地嘅性器官同埋分泌物係無直接接觸過,所以基本上都可以話係無懷孕風險。所以今次上月經黎遲左,基本上同性行為無關。

好擔心的話,依家最可靠嘅方式,就係買一兩支避孕棒驗孕先。因為性行為係喺2月底發生,已經過左11日,所以依家嘅結果係有效嘅:blush: 希望呢個科學嘅方式會令你地放心D啦~:wink:

使用安全套嘅方式,可以睇番我地嘅「正確使用安全套」嘅示範短片~

又或者可以留意我地instagram (@stickyricelove)及facebook(Sticky Rice Love糖不甩)嘅 post,我地過往都有出唔同有關「安全套」嘅文章及影片,可以幫助你了解唔同安全性行為嘅工具同埋如何使用,睇下邊種比較適合你同埋你伴侶:blush:

的確一開始嘗試進入嘅時候,好多人都會遇到唔少困難:sneezing_face:,係好正常架~ 例如大家比較緊張擔心,女方比較難放鬆,令陰道比較緊;又或者唔夠潤滑劑,令到陰莖難以進入陰道內。都係需要透過不斷嘅溝通,了解對方嘅感覺,以及同伴侶慢慢嘗試,搵出一個大家都覺得舒服嘅方式進行性行為:heartbeat::heartbeat: 可以嘗試下用多D潤滑劑,又或者花多D時間用手指或口交方式令女方下體慢慢適應左有物件進入陰道,就可能會好D:relaxed: 有咩有關呢方面嘅問題都歡迎繼續詢問啊~

已經download左個apps係好嘅開始啊 @Tomacolli:relaxed::+1:t2: 希望可以幫助到你地之後更有效咁掌握女朋友嘅平均月經週期(不過都要記得唔好依賴計算安全期嘅方式,進行唔安全嘅性行為啊:persevere:,因為月經週期+排卵期係可以有好多因素影響~)。同埋本身女性週期唔穩定係好常見嘅事,可以有好多因素影響:grinning: 亦就好似上文所講,單憑過往兩個月嘅月經週期,係唔能夠判斷依家嘅月經週期同過往女朋友嘅月經週期有好大出入啊~

最後因為今次嘅事,亦有可能因為女朋友都擔心有無機會懷孕,所以壓力都會大少少,有機會都影響月經週期嘅:blush: 加上最近疫情關係,其實有唔少人嘅月經都黎遲左,亦已經排除懷孕風險,可能其中一個原因就係大家都少左出街,系屋企讀書/工作,夜左訓覺夜左起身,令生活作息同以前有D轉變,咁身體亦會因應呢個轉變作出回應,影響月經嘅週期。

好呀!多謝你呀!都真係仲係好驚,我地都諗住驗下係咪有事!希望唔會有事啦!:pensive::pensive::pensive: