今個月7號嚟m，到13號先嚟清哂冇啡色野，手機個app話今日係危險期第一日。男友無套入左我幾下就拎返出嚟，之後見到有噠白色半透明嘅分泌物，男友話佢仲未射，想問下嗰d係我嘅分泌物定陰精？因為之前都試過男友用手幫我時流左一pat同樣嘅分泌物。
另外想問下男友就咁入左幾下，之後隔左好耐係我用手幫佢先射，咁樣會唔會有事？麻煩晒
1個讚
首先，陰莖性興奮嘅時候，已經會分泌出一種透明液體，為尿道球腺液。而呢種分泌物係含有少量精子，係有機會會導致懷孕。你提及到今日男友曾經喺無戴安全套嘅情況下，進入你嘅陰道，即使最後射精前已經抽番出黎，依然係會有機會懷孕啊
所以都建議買支驗孕棒檢測一下先，等自己可以放心D
而陰莖抽番出黎嘅時候，出現白色半透明分泌物，有兩個可能性：
（1）排卵期出現嘅白帶：排卵期嘅時候，白帶會增多，亦可能會同平日嘅白帶有D唔同，會比較有彈性，甚至出現「白帶拉絲」嘅情況，類似果凍／蛋清狀嘅分泌物。
（2） 巴氏腺液：性興奮嘅時候，女性巴氏腺（Bartholin‘s Gland）會分泌出液體，作潤滑作用，係透明或者純白色。
兩者相對上，巴氏腺液會較排卵期出現嘅白帶黏度高，而巴氏腺液系性行為過程中，亦有機會因為抽插過程，令佢變得更杰。所以分泌物有機會係兩者嘅其中一個，又或者係同時出現都唔定
建議番之後嘅性行為，整個過程都戴番安全套，一方面可以避免性病傳播，另一方面都可以有效減低懷孕嘅風險
好多謝你嘅回覆
因為一直都唔知買邊隻套同埋又覺得尷尬所以一直都係用手同口解決，有時候男友用手指幫先，之後去廁所有d血絲，小便都有小小刺痛，陰道口都有小小腫，係咪因為太大力？另外，完事後去廁所係咪可以順便沖走d污糟野，會好d？
你好 @ohhhh ！陰道有刺痛嘅原因可以係因為用手指插入陰道嘅時候指甲唔小心刮到陰道壁，引致少許流血同刺痛，所以要記住提醒伴侶要剪好指甲先再插入去呀。最好就緊係用指套啦，如果無嘅，用安全套包住都得架。伴侶幫你口交嘅時候都可以用口交膜或者將安全套剪開當口交膜去用。見到你話小便有血絲，陰道外面紅腫，建議你留意下呢個情況會唔會持續出現，有可能係因為陰道感染，最好都係搵返醫生檢查下好啲。至於話做完性行為之後去廁所會唔會可以沖走體內嘅污糟嘢，其實可以用水沖一沖外陰道就可以架啦，千祈唔好沖水入去陰道裡面，因為陰道係弱酸性嘅，沖啲水入去會破壞陰道嘅PH值平衡架。
至於安全套嘅話，其實依家都可以係網上買到安全套，佢哋郵寄嘅時候，外包裝係唔會辨識到，私隱度都非常高架。選購安全套嘅時候記住要睇返安全套嘅大小係咪適合自己呀，因為太大嘅安全套會好容易係性行為嘅過程中脫落，安全套感覺緊會被鬆好，但如果發覺緊到有不適就要考慮買再大碼的（大過58mm的可能需要考慮外國牌子）。至於哪一個牌子比較好則要視乎自己與伴侶的用後感。首次嘗試時可購買數量較少的（例如3片裝）嘗試一下再決定。或與對方先溝通一下，看有沒有特別需求而決定哪一款／牌子。寬度 (Nominal Width) 是安全套擠扁時橫向的長度，數值上是圓周 (Circumference) 的一半，你可以用繩子量度充血的陰莖根部的圓周，將圓周除二就會等於闊度啦。市面上嘅安全套都係52mm ± 2mm咁樣，姐係104mm± 2mm都適合使用嘅。但係要留意返嘅就係日本牌子會常用直徑 (Diameter)去計算，姐係安全套放平時圓形的直徑。量度嘅方法就係充血的陰莖根部的圓周，再除以3.14，就係陰莖直徑。如果有時間可以去睇下我地糖不甩嘅網誌： https://www.inmediahk.net/node/1035145
另外可以俾埋我哋之前stickypedia寫過關於安全套，入邊有條片教點樣使用安全套嘅～另外都有一篇係講指套同口交膜，都可以俾你都可以參考吓呀。https://www.stickyricelove.com/post/口交膜及指套
平時歡迎你留意我哋IG或者Facebook，我哋經常性都會有一啲關於性健康嘅資訊或者一啲同性相關嘅用品要點樣選擇等等，可能都可以幫到。