今個月第一次食，食到依家食緊白色第二粒結果今日黎咗m，想問下其實應該係開過一盒新黎食定應該食埋舊個盒個2粒白色？
ps.我 啱啱直接開咗新既黎食，想知咁樣食啱唔啱？
From Yaz:
妳在來經第一日開始每天服用，避孕效力便立刻見效，妳亦可以在經期的第二至五天開始，但請確保在服藥的首7天使用額外的避孕措施。妳會在28日服藥週期的最後幾天內來經，28日週期後，即使經期尚未結束，也應立即開始服食新一盒。7
食晒啲白色開過排就得
但係我已經開咗新一排，未食晒舊個排啲白色。會唔會有影響
因為我見佢話黎m第一日食，驚冇咗功效
你好呀 @Hahayi ！你應該要食埋果兩粒藥先再開新藥食架，因為28粒裝嘅避孕藥係需要每日食嘅，期間如果有月經嚟嘅話都係唔需要理會，繼續每日一粒咁樣食，直到食完全部藥先再開下一包嘅。你依家食緊應該係28 粒裝避孕丸最後嘅四日藥，果四日藥係無藥效嘅，但係會幫助你嘅經期變得固定啲，一般嚟講都會係呢四日期間開始月經嘅，無論你嚟咗或者未嚟月經，其實都應該繼續食埋佢，如果唔係就會打亂月經週期架啦。但係如果你依家開咗新藥，咁就繼續食落去啦，基本上都唔會有太大影響嘅，下個月記住要食埋果四粒藥呀～
同埋因為你都係第一個月食避孕藥啦，如果都擔心嘅話，係未來一星期發生性行為都可以使用額外嘅避孕方法，例如安全套，咁樣就放心曬啦～