懷孕症兆?

你好呀sticky rice! 我遲咗11日都未嚟m 而過去嘅兩個禮拜都開始小腹越嚟越脹但唔痛 有時都會作嘔 上個月27日亦都同男朋友有親密接觸 喺私處冇戴套咁磨過 到底我係唔係有咗呀 ><

1個讚

@oats 你好啊:blush: 想了解番你以前有無試過好似今次咁隔11日月經都未黎?

陰莖性興奮嘅時候,已經會排出一種透明分泌物叫尿道球腺液,內含少量精子,係有機會導致懷孕。即使只係喺陰道口附近摩擦,但依然有機會可以流入陰道內。雖然喺陰道口摩擦比直接進入陰道嘅懷孕風險較低,不過依然有一定風險。

的確月經來遲、有嘔吐及嘔心徵狀係懷孕嘅徵兆,不過嘔心症狀亦有機會係因腸胃炎等其他身體狀況所致

建議先買驗孕棒驗孕,了解係咪可以排除懷孕嘅原因先:wink: 驗孕的話,受精卵著床一般需要11日,所以性行為11日後驗會較準確。依家距離2月27日,已經過左多過11日,所以驗孕結果係可靠嘅~ 加上驗孕棒喺預計經期嘅日子用,結果都會好準確:relaxed:

如果係其他原因的話,就可以考慮睇其他科嘅醫生:blush:

多謝你嘅解釋呀 聽完之後安心咗:slight_smile: 我之前都試過遲咗十日 不過通常都頗為準嘅 求個安心 會盡快去驗:bowing_man:t2:‍♂

1個讚