咁樣用安全套岩唔岩

每次女朋友幫我整到硬嘅時候 就帶套 我唔會幫自己整到硬 唔會掂到自己下面 除左自己戴套嘅時候 但係都冇掂到龜頭
如果戴反左就換過另一個套 射左之後就即刻抽出黎,
如果真係掂到自己下面嘅話就會抹下手 再掂女朋友下面

其實每次做完都驚 雖然有做安全措施

同埋我想問如果冇做安全措施黎做嘅話懷孕嘅難度會唔會好易
之前試過忍唔住用手幫自己整硬然後入我女朋友
同埋射左係女朋友大批外側到 都有啲驚中左

你講得好啱啊:relaxed: 戴反左安全套的話,陰莖可能已經有分泌物(例如性興奮時排出嘅透明尿道球腺液)掂到系安全套上,所以必須馬上換過新嘅,避免分泌物接觸到女朋友嘅下體。而掂過自己性器官的話,亦先洗手, 再掂女朋友嘅性器官:blush::+1:t2:

如果有正確咁使用安全套的話,相信懷孕風險係好低嘅。詳情可以睇睇我地 《Stickypedia系列-安全性行為:第一寶》,我地有詳細講解戴安全套嘅正確步驟:heart_eyes:

無做安全措施的話,懷孕風險係會好高啊:confounded: 無戴安全套的話,性病傳播嘅風險亦會好高~!

首先,如上文所講,陰莖性興奮嘅時候,已經會分泌出透明嘅尿道球腺液,內含少量精子,係有機會導致懷孕。所以即使最後體外射精,只要陰莖有進入過女朋友陰道的話,尿道球腺液內嘅精子就已經有機會導致懷孕。

之後大脾外側嘅部分,想了解番你係指戴安全套之後,射精前除套射精,還是本身就無戴安全套嘅情況下射精?單憑講喺女朋友大脾外側射精的話,風險係比較低嘅,不過要確保射精後,抹乾淨左,女朋友先移動。否則移動過程中,精液都有機會流到陰道內。假如係大脾內側或陰道附近射精風險就更高啦~ 所以都建議盡量避免喺大脾或陰道附近位置射精,始終只要唔小心流過陰道就會有風險啊~ :wink:

射係女朋友大脾嘅時候係手交,個次手交之前係冇入過我女朋友,亦都冇帶過套,所以淨係射左係佢大脾外側,而且係移動之前都抹乾淨左

明白,雖然係大脾外側射精都會有一定風險,不會如果係移動之前你哋都抹乾淨咗,確保唔會有精液流到去陰部位置,其實係無咩風險嘅,加上陰莖由始至終都係冇進入過陰道,所以都唔構成懷孕風險。只要係整個性交過程中都有正確使用安全套,會懷孕嘅風險係唔高嘅。

如果你哋都仲覺得擔心的話,可以考慮下女朋友同時使用其他荷爾蒙避孕法,例如係食口服避孕藥、用避孕貼、或者打避孕針,使用呢啲方法再加埋安全套,避孕效高亦可以預防性病同其他疾病傳播架~