Yaz事前避孕丸

想問食事前避孕丸好似YAZ咁佢話黎月經第一天開始食,邊會有避孕功效,第二至第五天吃,首七天要用阻隔性措施例如安全套,其間沒有停藥,一直咁食食完一盒開第二盒,咁佢嘅首七天係指每一盒的首七天還是一開始第一盒的首七天?即係第一次食首七天用阻隔性措施便可?還是每一盒首七天?

第二行多左個邊字*

YAZ所指嘅首七天,係指服用第一盒避孕藥開始後首七天:blush:。而我地一般都會建議番,第一次服用的話,無論係經期第幾日開始服用,頭七日都需要配合番阻隔性嘅避孕工具(e.g.安全套)一齊使用。

YAZ網站有寫道:「即使服用YAZ®優悅®無藥性藥丸的4天期間,或Yasmin優思明7天無藥期間,避孕的效力亦會依然持續。」
詳情可參閱官方網站:https://www.yaz-hk.com/cn/faq.php

28日期間,有穩定依足指示持續服藥的話,服用第二盒嘅時候,已經唔需要配合其他阻隔性避孕工具黎避孕:relaxed: 因為本身避孕藥嘅藥效已經喺體內已經建立左,即使第一盒最後四日係服用非活性成分嘅藥丸(白色藥丸),避孕嘅效力會依然持續

不過要留意番,以下情況,都需要再次配合阻隔性避孕工具使用,持續7天,因為藥效有機會消失,需要重新建立,避免期間有懷孕風險。
:point_right:t2: 服藥期間曾經漏服藥,有補食藥丸
:point_right:t2: 服藥期間曾經漏服藥,無補食藥丸
:point_right:t2: 曾經停藥(不包括該四粒非活性成分藥丸)

不過記得單純服用事前避孕藥係無辦法阻隔性病啊~! 戴安全套先有效減低性病傳播風險:wink::two_hearts:

Thank you so much!

仲想問下yaz 佢話24小時補食時間其實係點計?

倒如我今日12:00食左一粒yaz,之後計24小時?即係明天12:00一定要吃?還是明天的12:00開始計24小時?

補食時間係由漏食果一粒藥嘅時間開始計嘅。因為避孕藥係建議每日都要開差唔多一樣嘅時間食,所以假設你本身係每日12:00點食藥,而今日你唔記得咗食藥,咁由今日12:00起計嘅24小時,都係可以補食嘅範圍之內。

Ok thx so much!