食完事後好驚有事

同男朋友上上星期六性行為完 淨係插左陰莖嘅1/3幾下 冇射到 事後藥又食埋 5日前出過血 似黎m 大概三日左右就冇 前兩日買左幾支支棒驗都一條線 同左社工加幾個讀nursing嘅朋友講 個個都話冇事但仲係好驚:face_with_head_bandage::face_with_head_bandage:
同埋食完事後藥嘅兩個禮拜個人都好眼訓好暈 仲有個胸有啲唔舒服

補充番 粒事後藥係即日食

整體黎講,你今次嘅懷孕風險好低啊,可以放心先:blush::two_hearts:

首先,的確因為陰莖喺性興奮嘅時候,已經會分泌出透明嘅尿道球腺液,內含少量精子,所以即使最後無射精,當陰莖插入陰道嘅期間,已經有懷孕風險。不過如果你即日從可靠嘅機構(如家計會、診所、急症室)得到事後丸,而服用左事後丸的話,咁相信懷孕風險係好低啦:blush:

如果無計錯,上上星期六即係14/3,而你話前兩日買驗孕棒驗孕即係23/3:grinning: 性行為7日後驗孕,我地可以得到一個初步嘅結果,而今次你嘅結果係無懷孕。想得到較準確嘅結果的話,可以等到性行為11日(即25/3)後驗孕,因為一般受精卵著床需時11日,而呢個時候亦會分泌大量嘅HCG,有助得到較準確嘅結果:relaxed: 好驚嘅話,可以聽日再買驗孕棒驗孕,相信結果係好可靠架啦:two_hearts:

有關5日前嘅出血情況,像了解番係咪同你本身經期相近?:grinning: 唔係的話,其實本身服用事後丸亦有機會導致不規則嘅陰道出血,令你月經提早/延遲黎到。經血比平日血量較低亦都係正常嘅:wink: 呢方面唔洗太擔心~

此外,服用事後丸,有眼訓、暈、胸唔舒服嘅情況係好正常:blush: 事後丸副作用,常見係會出現頭痛、噁心、頭暈、疲倦、經痛、腹痛、背痛及乳房脹痛等現象。喺一般情況下,呢D副作用唔會持續超過24小時。你形容嘅情況有無持續好耐~?
可參閱:https://www.famplan.org.hk/zh/health-info/contraceptive-methods/emergency-contraception

不過你所講嘅症狀都有機會係同事後丸無關,有時可能休息唔夠,天氣侷促都會有咁嘅感覺:wink: 擔心的話可以去搵番之前開藥比你嘅醫生做番個檢查:woman_health_worker:t2::man_health_worker:t2:

明白的,聽日會買多一支驗㗎啦:smiling_face_with_three_hearts:
我對上一次黎經係29/2 本身經期都比較唔穩定 然後嗰3日出血係喺性行為後嘅1個星期出現 上網睇話係撤退性出血
至於關於副作用方面,已經持續2個星期,到今日為止仲有啲胸漲,渴睡,頭暈等等。:cold_face:
例如一起身就有頭昏眼花