我2月10號嗰日同女朋友有親密行為，我用手摸佢下陰，大致5至10分鐘，摸到佢已經濕左
但係我摸佢之前好似都摸過自己下陰，龜頭亦有透明液體，唔清楚手指有冇，如果有，
1.想問下呢個情況下會唔會導致佢懷孕
2.透明嘅液體究竟係咩 會唔會令到佢懷孕
(我肯定肯定自己冇射精)
女朋友經期一向都唔算穩定，但係今個月仲未黎(佢上次係16/2再上次係6/1)，佢病左兩個禮拜，食緊抗生素同消炎藥，咁會唔會影響到佢嘅經期，同埋佢前兩日話下陰曾經有一兩滴血，以為終於黎，點知之後就再冇血出現過，請問佢呢啲算唔算黎m，定係懷孕著床。
(佢呢幾日都有講過皮膚差左，個肚又谷住谷住，同佢好攰，會唔會係病左食藥令荷爾蒙失調做成，但係呢啲係懷孕初期都會有)有冇人可以解答下我佢懷孕嘅機會大唔大
求下人答下我，我知我應該做好安全措施，但係我而家真係好驚女朋友有左BB，有冇人可以解答下我
照你所講嘅情況，懷孕嘅機會係唔大嘅，因為精子接觸空氣之後通常幾分鐘內就會死亡，而且你地亦都無進行插入式嘅性行為。你所講嘅透明液體叫做尿道球腺液，通常喺男性受到性刺激嘅時候會自動流出黎嘅，當中都含有少量精子，所以建議下次接觸過陰莖之後洗一洗手先觸摸女朋友嘅陰部，咁就既安全又衛生啦
至於服食過藥物的確有機會令月經遲黎，而下陰少量滲血亦都有機會係因為藥物影響荷爾蒙所致，所以唔一定係有左嘅。不過如果真係好擔心或者有其他身體不適嘅話建議去睇醫生了解返身體狀況，咁就唔洗心掛掛啦
唔該曬你吖
咁係咪即係係尿道球腺液嗰到嘅精子其實得好少，而且係低褲同皮膚掂到嘅時候精子都死曬？
我咁理解有冇錯
同埋嗰日我地有一齊沖涼，我地下陰都有掂到大家，咁嘅情況會唔會有機會有精子入左去？我都係肯定我冇射精
尿道球腺液所含嘅精子的確比精液少好多，而精子接觸到空氣同皮膚之後通常都會喺幾分鐘內大量死亡。至於沖涼嘅時候陰莖接觸女性外陰並唔會令精子進入到陰道，因為一方面好似我頭先所講，即使陰莖嘅分泌物有少量精子，喺接觸到空氣同皮膚之後，精子都會好快死亡；另一方面精子喺濕潤嘅環境下先可以游到入陰道，所以除非陰莖直接接觸到濕潤嘅陰道口，如果唔係精子都係無辦法游到入陰道嘅。