分泌物有少少血絲

你好呀 我3月7號m到,手機app話嚟緊呢兩個星期都可能m到。我頭先去完:poop:嘅時候抹到一大pat分泌物,好似鼻涕咁,淡黃色(我自己都嚇親),睇真d有少少,真係好少量嘅血絲。上網睇話係婦科病預兆,有d又話係懷孕初期,我好驚唔知係咩事:confounded:希望可以解答我

Hello 你有冇發生過安全嘅性行為?如果無的話就可以先排除懷孕嘅可能性。至於分泌物變得杰同淡黄色/有血絲,除咗有機會係陰道炎嘅症狀,亦有機會係排卵或者差不多嚟m嘅症狀。除咗分泌物有變,你有冇覺得下腹/陰道覺得痛,或者小便嘅時候覺得刺痛呢啲症狀?如果都無的話,會係發炎嘅機會都唔高嘅。

有時分泌物出現血絲係因為就快嚟m,亦有機會係因為性行為期間因為磨擦而造成陰道受損而流血,如果你最近有發生過性行為,特別係比較激烈/缺少潤滑,或者指交,都會比較大機會造成陰道有傷口嘅。

暫時就咁聽啲徵狀都唔需要太擔心住呀!

我3月中有同男友親熱,係冇戴套,但因為太痛所以只係入左幾下就出返嚟,用手解決左:confounded:

補充返,我亦都冇話下腹痛,小便痛之類~

如果係無使用安全套的話,其實男性係性興奮時已經會有透明嘅尿道球腺分泌,當中都係有機會含有精子嘅。即使只係幾下,只要性器官有直接接觸過,體液有接觸過,都會有懷孕風險嘅。雖然你嘅症狀就唔似係懷孕,不過你都可以係性行為後11日/預計經期嘅時候用驗孕棒測試一下,呢個時候驗結果以經幾準確架啦。

而如果你都無其他症狀的話,會係陰道發炎嘅機會都比較微。而且你話3月中被插入時都有覺得痛,而且無使用安全套,有機會因此造成陰道內嘅小傷口,而最近因為準備月經而令體內荷爾蒙有波動,導致有少量血絲出現。

除咗驗孕,暫時都唔需要太擔心發炎嘅可能性嘅~除非未來幾日都有異常出血(唔係月經嘅出血),或者分泌物變得深色,就要盡快去睇醫生啦!

我自己都有自慰嘅習慣,一直都係刺激陰蒂,有時用手有時會隔住底褲用震嘅按摩器,冇試過自己伸手指入去,但有時下面係會有少少痕,唔知關唔關我自慰事:confounded:同男友一齊都係佢用手伸入去幫我,有試過完事後見到d分泌物有血絲,係比我今日多,所以應該係嗰陣整損左:confounded:但都過左咁耐,傷口仲未好返?:pleading_face:

自慰方面,有機會係因為指甲抓傷或手指用力過度,摩擦陰蒂嘅時候傷害到皮膚組織,所以出現下體痕癢嘅情況。另外,你亦有提及過會隔住條底褲用震嘅按摩器,有機會震嘅過程中,一方面震動器嘅摩擦力加上內褲質地比較粗糙,令摩擦力增加,陰部組織/陰蒂更容易受損;另一方面有機會因為震動器唔夠乾淨嘅情況下接觸到陰部,令陰部感染細菌。隔住內褲震動嘅過程中,亦有機會令內褲內殘留嘅清潔液/洗衣粉直接接觸到陰蒂,導致痕癢嘅感覺。

之後自慰嘅時候,可以配合埋潤滑劑,減低因過度嘅摩擦令下陰組織受損嘅機會。例如唔再隔住內褲,直接配合潤滑劑咁使用震動器刺激陰蒂,避免隔住內褲時過多嘅摩擦:blush: 每次使用性玩具之後,亦記得用梘液清洗,用水沖乾淨,然後自然風乾,保持衛生:relaxed: 亦要記得自慰後清潔番下體~ 睇下情況會唔會好D。

有時亦未必同陰部受損/受到感染有關,只係因為自慰摩擦完之後,陰部皮膚變得薄、敏感,所以著番內褲,有摩擦嘅時候,就會覺得少少痕癢:wink: 唔洗太擔心嘅。

而血絲方面,就如 @Kitty_StickyRiceLove 所講,有機會係之前3月中嘅性行為令陰道受損,造成一個依家依然存在嘅小傷口。有機會本身傷口已經癒合,不過因為月經嘅時候,肌肉會收縮,令傷口再次裂開番,令依家會出現血絲:blush: 相信過多一陣,傷口就會復原自然好番架啦,唔洗擔心:wink: 亦有機會單純因為月經就快黎,所以出現血絲。

不過如果呢個流血絲嘅情況持續,而月經又未黎,或者分泌物變深,就記得儘快求醫啦:woman_health_worker:t2::man_health_worker:t2::two_hearts:

多謝你,我今日都冇血絲嘅情況。只係有d月經前嘅症狀,可能係我心理作用一直覺得個下腹好似搞下搞下咁,慢慢等m到應該冇事㗎啦:blush:

2個讚