想問如果食咗yaz已經第二盒，冇漏食過，也沒有食其他藥物，也是沒有肚痛肚屙，之後做愛頭幾下冇用，之後有檢查陰莖，用手整來整去沒有任何前列線液體出來，，之後用返套，這樣會有嗎？
你好呀 @KitJJ ！你話係做愛前幾下無用安全套，中途再戴返會唔會懷孕。首先，其實只要跟指示去食避孕藥，而且按時同埋持續咁食藥，就已經有避孕嘅效果架啦。並唔係所有人食避孕藥都會有肚痛肚屙嘅副作用嘅，所以唔洗擔心，只要有食落肚，啲藥就會發揮作用架啦。至於你話用手整來整去沒有任何液體出來，其實果啲透明嘅液體嘅正確嘅名字係叫「尿道球腺液」，其實只係含有少量精子，而你已經食咗避孕藥，就唔需要擔心架啦。
但係要提一提你，做愛嘅時候安全套係要全程都用嘅，唔可以話頭幾下唔用，因為安全套除咗避免意外懷孕之外，其實仲有防止感染性病嘅作用，係無戴安全套嘅情況底下，有體液嘅交換就有可能感染到性病架啦。當然，如果你肯定你嘅伴侶無感染，而雙方都只係會同對方會發生性行為，咁就唔洗擔心啦。
Oh 感謝你
1個讚