有少少好奇~

如果同另一半格住褲磨(2個都有著)有機會懷孕嗎?如果其中一個有着褲另外一個冇着褲呢

Hello~ 如果同伴侶隔住底褲磨擦雙方嘅性器官,即使其中一方無著褲,懷孕嘅機會都係極低嘅。雖然男性受到性刺激嘅時候陰莖會自動流出一啲透明而黏黏地嘅液體,叫做尿道球腺液,當中都含有少量精子,但係因為精子暴露喺空氣中通常幾分鐘內就會死亡,而且接觸到衣物嘅纖維亦都會減低精子嘅存活率。另外,精子係需要大量嘅液體(精液及陰道分泌)作為媒介先可以進入陰道,而喺陰道游去子宮嘅過程中亦都有好多因素影響精子嘅存活率,所以喺無進行插入式性行為嘅情況下懷孕嘅機會係相對低嘅。