接受唔到異地戀

hello,我同男朋友都係今年dse生,我地低form就一齊到依家喇,但我好似feel到我地嘅終點就快到。。。
我一向知佢對升學有2手準備,有可能同我一樣香港讀,又有可能唔係香港讀,不過我一直以為喺外地讀只係佢嘅後備方案,無太在意。但近來我知道左佢想出去讀多啲,好大機會會走。
可能其他人會話異地戀is ok,應該嘗試去捱過同接受。但一齊咁耐,我好清楚我地嘅相處模式係longd唔到,而且我嘅性格係完全唔適合longd,會搞到大家都好辛苦。而且,佢嘅方案係會以後都喺嗰邊生活,唔會返hk,所以唔會等到佢返黎,唔會有未來。所以,我真係唔會and唔想異地戀。
我真係好唔開心,我地以前分開過,關係依家好穩定,到可能最後嘅結局唔關感情事,而係大家揀嘅路唔同。但係我無阻止過佢,都無同過佢講我唔開心,因為我愛佢都想佢追尋自己想要嘅野,一定唔會阻佢前途。佢唔知我唔開心,佢覺得long d is ok,仲成日好興奮咁同我提起佢想出去讀。我唔想同佢講我唔開心,係唔想自己做左佢負擔。
依家每一日都好似同佢倒數咁,雖然佢未100%落實,我見佢偶爾都有因為呢樣野苦惱同頹(可能都有考慮過我掛:rofl:),我都唔知道。不過,我肯定到佢心入面係真係想離開hk。我真係好唔捨得佢呀,我真係唔會longd,呢樣唔洗勸了,但係我又唔想阻礙佢。好矛盾,好唔開心:sob:

Hello~ 多謝你同我地分享你嘅擔憂阿:blush: 放心我地都好明白唔係每一個人都接受到異地戀,所以亦都唔需要逼自己去接受同伴侶分隔兩地。感覺到你喺依件事上嘅爭扎,一方面好唔想同男朋友long d,但另一方面又唔想咁自私要對方為左自己放棄佢嘅前途,特別係見到對方成日好興奮咁提起出國讀書嘅事。

喺依個情況下,我地見到有兩個選擇,第一係維持現狀,直到佢落實出國;第二個選擇係嘗試同佢傾下,睇下可唔可以搵到一個雙贏嘅解決方法。可能你會話: 我都講左唔想阻止佢去外國讀書,仲有咩好傾?所謂嘅傾計、溝通係雙向嘅事,你可以同佢表達你對於佢出國讀書嘅感受、認為你地唔適合long d嘅原因,同時亦都了解下佢對於你嘅感受有咩諗法(見你話佢偶爾都有因為依樣野苦惱同頹,都可以了解下佢苦惱同頹嘅原因)、同埋佢點樣回應你對於long d 嘅顧慮。整個溝通嘅目的並唔係為左要其中一方妥協,大家都有堅持己見嘅權利,大家坦誠自己嘅諗法只係為左睇下有無一個並存嘅解決方案,為左唔好令自己後悔,就好似表白咁,的確表白之後可能會被對方拒絕,但係至少有向對方表達過自己嘅心意,得到對方明確嘅答案,總好過因為自己無嘗試過而抱撼終生。

見你地由低form一齊到宜家準備考dse,相信你地都經歷左好多事有好多回憶,而今次依件事,與其話係一個考驗,不如將佢睇成讓你地更了解對方嘅一個機會,無論你揀左邊一個選擇都好,都可以同我地分享你之後嘅感受架,我地樂意做你嘅樹窿:ear::relaxed:

1個讚

佢係個幾易有壓力嘅人,好多時我同佢講我因為佢唔開心,如果係啲較大嘅問題,佢都會好似煩上加煩咁。我唔想喺佢對dse上心時,仲加壓力俾佢,所以我應該考完dse先再同佢傾呢樣野。其實都有啲驚傾完有矛盾,然後就分手收場:sweat:。不過都多謝你地俾意見我:blush:

Hello @Audreyyy,講異地戀的話,我都可以算係一個過來人,前任同現任都係要異地戀:pensive::pleading_face: 聽到你話自己唔想成為男朋友嘅負擔,就知道你一定好愛佢:two_hearts: 最近你都一定係過得好辛苦好掙扎啦:cry:

一齊生活左一段時間,生活裡已經習慣左對方嘅存在,一時之間要分隔兩地,的確係會好失落,好似生活從此就缺少左一部分咁:pensive: 起初真係會好唔習慣架,平日係自己身邊一齊食飯一齊出街嘅伴侶,變成只可以晚晚傾電話先見面嘅人,突然好似變得陌生,或者需要對方嘅時候未必可以即使出現同埋陪伴:sob::two_hearts:

不過,雙方如果依然深愛彼此,願意持續去維繫,分享生活中嘅大小事,慢慢其實就會發現原來對方一直都無離開過,只係受環境限制,未能在身旁:smiling_face_with_three_hearts::smiling_face_with_three_hearts:

異地戀都係一個好好嘅機會令自己成為一個更好嘅人,因為可能兩三個月、半年先有機會見一次,所以就會好想下次見對方嘅時候,可以比對方驚喜,就會努力學習,培養興趣:relaxed::relaxed: 你亦都有更多嘅私人時間,去做自己想做嘅野,或者分配時間去陪家人、朋友:smiling_face_with_three_hearts: 下次見面嘅時候,就會更加珍惜相處嘅機會,令感情升溫:kissing_heart::kissing_heart:

我覺得異地戀最需要嘅就係信任溝通,同埋獨立。有時我地無辦法完全知道對方做緊D咩,可能會多疑,懷疑伴侶,不過最緊要記得自己係獨一無二嘅,對方深愛緊嘅自己,同埋你地嘅共同回憶,係別人無辦法取代嘅:two_hearts: 你願意信任,相信男朋友亦會珍惜同埋唔會辜負你。 持續、用心嘅溝通,可以令你地知道彼此嘅感受、想法,同埋繼續陪伴、支持對方嘅夢想,依然存在係彼此嘅人生歷程:wink: 而獨立呢樣野,可能一開始係會好困難,但係我都覺得每一段關係,我地都要學會同自己相處,愛自己,並且知道自己一個人都可以享受生活,有能力面對生活上嘅挑戰。咁唔代表收收埋埋,獨自面對,只不過事情發生嘅時候,自己亦都嘗試搵解決嘅辦法,或者調整自己嘅情緒,等對方有空間嘅時候,再一齊面對:smiling_face_with_three_hearts::smiling_face_with_three_hearts: 你就會發現,原來自己都係有好多能力,只係一直無機會察覺:muscle:t2::muscle:t2:

既然你知道自己係深愛住男朋友,會支持對方追尋自己想要嘅野,咁依家我覺得你可以做嘅,就好似 @Ana_StickyRiceLove 所講,可以選擇溝通,DSE完左之後,同男朋友講自己嘅想法,例如分享你係好愛佢,會支持佢嘅決定,但係內心依然係好痛苦,唔知如果真係要異地戀,可以點樣維繫。如果男朋友都明白的話,相信都可以傾下有咩方法維繫,例如幾耐見面一次?係咪輪流飛去彼此所在嘅地方?每日/隔日幾點傾電話會適合彼此嘅時差?相信知道一個確實嘅見面時間,會令關係之中有更多嘅「期待」,而唔係遙遙無期嘅等待:relaxed::two_hearts: 亦都可以DSE後一齊創造更多難忘嘅回憶,即使之後有機會分隔兩地,都有滿滿嘅回憶令彼此回味,捱過異地戀孤單嘅時刻:two_hearts::two_hearts:

即使最後唔如意地,受環境所迫,真係分手收場,相信呢一段關係同埋感情,會依然留係彼此嘅心中,你男友亦會記得有一個人係好愛佢,支持自己去追尋自己想過嘅生活:two_hearts:

之後發生咩事,或者有咩感受自己一個人默默承受好痛苦的話,都可以隨時同我地分享啊,we are here:smiling_face_with_three_hearts: 再者依家一切都未有定案,等之後男朋友真係做左決定,再擔心都未遲:blush:

2個讚

你地一定有好大嘅信任先long d到:pleading_face: 其實我咁抗拒嘅主要原因,都係因為如果佢走左就唔會返黎hk生活,好似變左連等都無得等咁。如果佢係讀幾年就會返黎生活,或者我就會接受到。其實我好痴身,係比較敏感嘅人,但平時如果關係有咩問題,可能覺得隔住電話相處無乜話題、亂諗野,一到見面就會正常返曬,所以我覺得我地相處模式係要見密啲,否則我嘅性格會搞到佢好辛苦:pleading_face:
不過依家講咩都無用住,所有野都未落實,我會等到dse後同佢傾下,多謝你:kissing_closed_eyes:

1個讚