戴套自慰，安全套大小，G點，性教育資料，自慰用安全套重用

SEX:: 有關性的
1

你好，我有幾個問題想請問一下:

  1. 之前同女朋友做愛，因為戴安全套時候經常軟咗，所以就試下戴安全套自慰，試適應感覺。但這樣可能令龜頭太敏感而早洩嗎？

因為女朋友會替我口交作前戲。自從戴套自慰後，有一次口交到我已經射了一點出來（而之前沒有）。是因為這個自慰方法，反而令我太敏感嗎？

另外，有方法可以改善戴套時軟咗嗎，同改善口交時太早射嗎？因為女朋友不太喜歡，而且怕正戲會硬唔到，雖然口交好舒服，但我好擔心會响佢口中射咗出來呀

  1. 安全套有可能太大嗎？我試過用套自慰時，精液除流入儲精囊外，倒流入龜頭部分。這樣有可能導致做愛時精液流出來，或者鬆脫嗎？

  2. 我進入的時候，女朋友經常說陰道有頂住咗嘅感覺。我知道應該係佢緊張。但我想請問下，有可能陰道比陰莖短的嗎？我可以慢慢地，盡量挺到最盡，而不會令她受傷嗎？應該感覺到如何，或者頂到咩嘢，就需要停止再插入去呢？

  3. 我試過搵方法刺激她的G點。我找到像一些網頁說，陰道入向肚臍方向一些像口腔內皺紋的地方。但應該如何刺激，和需要時間多久呢？但那裏皮膚似乎很薄，似乎很易受傷的樣子。應該用什麼方法和力度呢？

  4. 網絡上或者坊間，有一些體位的教學，和教學用但有真人示範（或比較接近實況）的性教育資源嗎？或者有其他比較可信性教育資料的地方嗎？

  5. 如果只是練習用，安全套可以洗過來重用嗎？

謝謝你們

另外，我覺得你地答得很有耐性，謝謝

2

Hello~ 多謝你對我地嘅信任同支持阿:smiling_face_with_three_hearts: 係我地努力覆大家動力:muscle::two_hearts: 咁我就住你每條問題逐一回覆返啦:nerd_face:

  1. 其實你做得無錯架:blush: 戴安全套自慰並唔會令龜頭過於敏感，而且咁樣做的確可以幫助陰莖適應隔住個套刺激嘅感覺。至於嘗試戴安全套自慰應後，女朋友幫你口交嘅時候已經射左啲出黎其實有機會係因為陰莖適應左隔住個套刺激嘅感覺，當無用套口交時刺激嘅強度大左，所以相比之下你就會覺得好似好快就射咁，但其實喺口交期間陰莖持續受到性刺激，所以有射精係好正常嘅事黎嘅:relaxed: 欣賞你有考慮女朋友嘅感受，而想搵方法避免口交嘅時候喺佢口入面射精:+1: 其實唔少情趣用品店都有賣口交專用嘅安全套，同一般安全套嘅分別係口交專用安全套嘅表面係無潤滑劑嘅，所以可以放心用口接觸安全套，而且有啲口交安全套係有唔同嘅口味可以選擇架:yum:

  2. 安全套的確要揀岩自己嘅size先可以有效避孕嘅，你可以喺陰莖勃起後量度陰莖根部嘅圓周，再喺買安全套嘅時候根據盒上標示嘅尺寸揀選返合式嘅安全套，通常歐美/香港常用嘅安全套所顯示嘅尺寸係陰莖根部嘅圓周除二，而日本牌子就通常係陰莖根部嘅圓周除以3.14。另外，使用安全套嘅時候記得要唧左儲精囊嘅空氣先將安全套戴到陰莖根部，咁樣先可以確保安全套喺性行為期間緊貼住陰莖，同埋避免安全套破裂。

  3. 陰道同陰莖一樣，都會隨住唔同狀態而改變尺寸，喺性興奮嘅時候，由於有更多嘅血液流向陰道，所以會令陰道擴張，而勃起後嘅陰莖都有機會比陰道長。都想了解返你同女朋友大概花幾多時間喺前戲上？因為前戲可以幫助陰道較快進入性興奮嘅狀態，咁之後陰莖就較容易進入陰道。另外，亦都唔係每個女仔都鍾意陰莖插入時頂到盡嘅感覺，所以要知道伴侶喺插入式性行為嘅時候嘅感覺，最好都係主動問下對方嘅感覺同埋留意對方嘅表情同反應，咁樣對方亦都會因為感受到你對佢嘅關心同體貼而覺得好窩心架:smiling_face_with_three_hearts:

  4. 首先其實每個女性G點嘅位置都唔同嘅，有啲會較接近陰道口，有啲就會喺較入嘅位置，佢嘅質感就好似你所講咁係凹凹凸凸嘅。而當女性進入性興奮嘅狀態嘅時候，G點會因為充血而澎脹，依個時候就可以較易搵到G點嘅位置。所以要尋找G點嘅確實位置可以先以愛撫、同埋刺激陰蒂等方法令伴侶進入性興奮嘅狀態，再用手指輕輕按壓陰道口上方附近嘅位置，睇下對方對於不同位置嘅刺激有啲咩唔同嘅感覺。搵到G點嘅位置之後，你可以用手指做出好似叫人過黎咁樣嘅向上挖嘅動作，初時嘗試嘅時候可以從輕力開始，再因應伴侶嘅感覺調整力度。至於刺激嘅時間亦都係因人而異，同時亦都唔係每個女性都會透過用手指刺激G點而達致高潮，可能需要配合陰蒂或其他部位嘅刺激。你可以參考下依段片，佢都有詳細講解G點嘅位置同模擬用手指刺激嘅動作架:wink: https://www.youtube.com/watch?v=Q3q-L7nALLI

  5. 明白學習體位時睇真人示範會具體好多，但礙於普遍社會對依方面嘅接受程度依然好低，依類嘅性影像亦都被禁止出現喺社交媒體上，所以依方面嘅資源真係好少:worried: 我就住依方面嘅資源問左其他糖不甩嘅成員:woman:t2::man:t2:，以下係一啲我地認為可靠而相對具體嘅體位教學資源:nerd_face:

  • https://www.facebook.com/sexcoachmrhsu/
  • Youtube search 關鍵字: 「清水健的性愛教室」(依系列嘅影片只有日文，無 中文翻譯，可以嘗試喺網上search「清水健 教學」，有唔少文字版嘅教學資 源)
  • Google search 關鍵字: 「體位教學 圖解」

你亦都可以嘗試同女朋友一齊睇AV參考下當中嘅一啲體位，討論下想試邊啲咁，了解返大家嘅需要同期望，不過記住AV大部份情節都係劇情黎，未必可以反映真實情況，例如AV入面經常會出現女優潮吹噴水嘅畫面，但現實中並唔多女性會潮吹，無潮吹亦都唔代表無高潮。

  1. 即使係練習用都建議每次都換一個新嘅安全套，因為安全套經過反覆磨擦之後可能會有一啲微細嘅破口，令細菌容易積藏其中，咁樣重用嘅時候就可能會感染細菌，而且將同一個安全套除下再重新戴上都會影響安全套嘅貼服度，因而影響練習嘅效果。
3

再謝謝你。我可以問多問G點按摩嘅問題嗎？

其實「過來」嘅動作，係手指頭按住呢個皺紋部分向肚皮按，定响呢個位嘅側面，向陰道口方向按先啱呢？如果另一隻手按住肚仔，會容易按點嗎？謝謝你

4

呢個動作係比較偏向陰道口方向往後壓，詳情可以睇下呢段影片，相信會有助你理解呢個動作:relaxed::relaxed: 一開始建議先用一隻手指先，過多幾分鐘，陰道較濕先再嘗試用兩隻手指:wink:

《6 Best G-Spot Strokes!》（00:45-02:40就係有關Come Here Motion嘅講解）

可以嘗試用另一隻手輕壓女方腹部，增加刺激及敏感度，甚至可以邊輕壓邊用手指按摩陰蒂:face_with_hand_over_mouth: 不過前提係女方無因為被輕壓腹部而感到不適啊～

1個讚
5

謝謝你呀:smile: 明白哂，好清楚:smiley: