戴套自慰,安全套大小,G點,性教育資料,自慰用安全套重用(2)

多謝你之前回答呀!好仔細,我會睇下先. 我reply 唔到呀, 佢話(Bad Gateway 502 Error)所以開過一個thread喇…

前戲方面,我同佢通常都20分鐘以上ga. 其實有時候,佢反而話想快少少入主題,因為太耐會「無咗mood 」。我會先同佢口交下面到佢高潮,或者佢提示我夠為止(因為聽講女仔興奮會難d) ,然後佢先再同我口交到我硬咗(但盡量忍住,或者叫佢停,而唔射出來)。入之前,我會問一問佢,跟住用手指搵搵入口,同埋試試有無濕,同入到幾隻手指。多數都會用KY jelly。這樣子ok 嗎?但感覺好多時都係頂住咗,入唔到咁,或者我花精神對準咗入口都已經軟返。佢自己都有講過每次都仲係有點緊張,我自已都係(主要响保持硬度,同唔好咁快射)。其實都成功過一兩次,發覺可能要慢些少,等抽插幾下我硬返,同埋佢適應被插入咗嘅感覺掛。。。如果中卡我覺得卡住,我會先停停,先再刺激下佢乳房,等佢放鬆少少先再試進入。這樣夠嗎?

我可以再問下嗎?我用手指試,通常都只係入到兩隻。到第三隻,已經覺得邊邊有圈好薄嘅肉膜(有點似脷底條繫帶咁嘅)。我好怕再撐大整斷呢圈肉,所以就無夾硬塞三隻手指就試下入喇。其實用手指試撐開,可以用幾大力ga? 呢圈東西整斷咗,會唔會整到佢好痛同流血ga? 或者入到兩隻,係咪已經可以進入呢?

另外,我抽插時好怕會中途軟返。應該點樣,諗d咩嘢,可以好少少呢?

謝謝你地呀!

前戲方面,如果大家都覺得有性興奮嘅感覺的話,咁20分鐘左右都係足夠嘅:relaxed: 女朋友有時想快D的話亦可考慮縮短前戲~:two_hearts:

前戲嘅次序方面OK啊~ 另外,相信有足夠嘅潤滑劑(KY Jelly絕對無問題啊)的話,手指都會比較容易滑到去陰道口~ 有時入唔到嘅原因可能係因為女方陰道口本身比較窄,亦都係常見嘅情況,其實只要過左陰道口,陰道入面都會接受到~ 所以可以集中刺激陰道口嘅位置先~

指交方面,其實入兩隻手指的話,都可以嘗試進入架啦:blush: 如果插入手指嘅時候,有野頂住,都唔建議勉強再插入去,亦無需太著重插到好入,慢慢等陰道口適應多D有被插入嘅感覺先。力道方面都建議睇番陰道內嘅潤滑度,用適中嘅力度將手指滑入去陰道內。始終手指係有指甲,陰道乾燥下過分大力得話,好容易就會刮傷到陰道組織:wink:

同埋指交技巧方面,除左一般抽插方式,都可以嘗試按壓方式,即是手指伸入後,你做「come here」嘅手勢,用兩節手指摳,輕輕按壓最多肉嘅陰道前壁位置,慢慢加快或者施加壓力。睇下女方會唔會比較放鬆及舒服:relaxed: 亦可同時用其他手指/令一隻手刺激陰蒂,因為一般會比起陰道更容易達到高潮嘅效果:nerd_face: 可以多留意女朋友陰道嘅角度,同埋結構,亦都有助摸索女朋友嘅敏感位~

參考 Park Chan 《用手指就令對方到達高潮?要學懂指交的要點!》:
https://www.esquirehk.com/mens-talk/sex/how-to-use-finger-during-sex

可以嘗試配合性玩具去輔助前戲,睇下會唔會有更好嘅效果:wink: 例如使用一D伴侶共享嘅性玩具(例如男女共震震動器),可以同時刺激大家嘅性器官(有關伴侶共享嘅性玩具,都可以留意我地之後《Stickypedia系列-性玩具》~)

亦可以嘗試69體位雙方張開腿面對面坐女方跨坐係男方大腿上等體位,令男方可以幫女方口交/指交同時,女方都可以幫男方口交/打飛機,同時刺激到彼此嘅性器官。咁就可以減低陰莖硬時陰道唔夠濕/陰道濕時陰莖已經變軟嘅情況:wink::wink:

擔心抽插過程中中途軟番的話,建議可以將注意力方法去女方身上,例如可以用觸感、視覺、聽覺等感觀,感受下性興奮感覺嘅來源。有助幫助你撇除擔心陰莖會中途軟番嘅負面思想,越擔心越憂慮,只會無助性行為嘅表現:wink: 反而好好感受當下,更可以令雙方都興奮D:two_hearts::two_hearts:

好吖,謝謝你地呀,真係答得超仔細:pray:t2::blush:

共享玩具真係未聽過,期待期待:pray:t2::pray:t2:

1個讚

我哋最近都開始緊一個新系列係有關性玩具嘅,當中都會有簡介一啲可以伴侶共享嘅款式,有興趣的話都可以留意我哋嘅FB或者IG呀~希望都俾到多啲資訊你哋!

好呀好呀:smile:謝謝你地,真係好用心呀:smile: