咁樣會唔會有左?

1.在排卵期嘅時候,男生用下體磨擦女生嘅陰道口、陰唇,這樣會懷孕嗎 ?
2.精子會唔會由陰道口游入陰道再到子宮?!

你好呀 @Bella:relaxed:

  1. 如果無進行插入式性行為嘅話,懷孕嘅風險係極低嘅。但係如果你係用龜頭部分對準陰道摩擦,或者摩擦嘅時候唔小心插咗少少入去,男仔陰莖流出嘅透明液體(尿道球腺液)裡面都含有少量嘅精子,其實都有機會令女仔懷孕,特別仲係排卵期期間。

  2. 係無前列腺液提供養分嘅情況底下,精子係唔會由陰道口游入陰道再到子宮嘅,不過就好似上面咁講,如果你用龜頭對準陰道嘅話,就有機會令精子進入女性陰道架啦。

最後都係提返你,互相摩擦性器官都係性行為嘅一種,都係戴返安全套,唔單止可以防止意外懷孕,又可以預防性別嘅傳染,咁就安心又放心啦。:wink:

幾時可以驗孕?網上話第6.7日後可以,做嗰日係咪第一日?

你好 @Bella :relaxed:

假設你性行為係1號,咁到咗8號,姐係性行為後7日驗孕就會有初步結果架啦,但係如果係預計受精時間11日之後或者預計經期嚟嘅果一日佢驗孕嘅話,個結果就會比較準確啲。

其實驗孕棒係透過檢測尿液中嘅HCG(人絨毛膜促性腺激素)含量嚟判斷有無懷孕,因為只有受精卵成功著床嘅女性身體先會會開始分泌HCG,通常著床時間就會係6-9日,咁通常7日就會有初步嘅結果,11日嘅時候受精卵已經完全著床成功,體內嘅HCG分泌亦都足夠檢驗出有無懷孕架啦。

多誰你詳細嘅解釋。我再問多一條:
第六日驗嘅話得唔得㗎

根據每個人嘅身體狀況啦,受精卵著床時間係需要6-9日,理論上你可以係性行為之後第6日去驗嘅,但係根據每個人嘅身體狀況,都需要一啲時間俾身體分泌出能夠檢測得到嘅hCG,所以我地建議你第7日去驗都係一個比較保守個日期,你可以去驗下,等自己安心啲,但係要去到預計受精嘅第11日先會比較準確,因為已經過咗受精卵著床時間所需要嘅6-9日,而身體亦都能夠分泌足夠檢測得到嘅hCG,因此如果擔心可以係11日或者預計嚟月經嘅時候再驗多一次,咁就安心曬啦。:relaxed:

係咪一定要用晨尿先得?
如果我半個鐘內驗兩次,準唔準架?

如果牌子說明書無寫明要用晨尿就任何時間嘅尿液都可以嘅,只不過係晨尿一般比較濃縮,會容易啲測試到。但其實只要驗孕棒嘅敏感度較高,即使係其他時間嘅尿液都係可以測試到當中嘅hCG含量。

半個鐘內驗兩次呢個就有少少想保留啦,因為係短之間之內身體未必有咁多尿液可以排出體外,如果係靠飲大量水份去增加排尿次數的話亦會稀釋尿液嘅濃度,變咗難啲測試到不同。其實只要正確咁使用驗孕棒,測試一次同測試十次係無分別嘅,無需要不停反覆測試呀。