三個月頭同女朋友帶套破咗處 內射咗起套度
但除套時精液流咗出嚟
擔心會留起陰道入面
所以即刻去咗家計會食緊急避孕藥
醫生話食完藥三個鐘內嘔要返去補食
但女朋友起凌晨先嘔咗次
之後月中同一日又做咗兩次 兩次都有帶套
臨射前即刻攞返出嚟
女朋友2月頭嚟咗一次M
但都依家四月都未嚟
會唔會係藥令月經推遲？懷孕機會大唔大？
謝謝
你女朋友係食咗緊急避孕藥之後超過3小時先出現嘔吐嘅情況，其實係唔會影響藥效，因為凌晨時分距離食藥已經一段時間，藥物都已經被身體吸收晒。會出現嘔吐，亦有機會係因為事後丸內所含有嘅高劑量荷爾蒙而導致嘅，如果嘔吐無持續就唔需要擔心。之後兩次性行為如果都有正確使用安全套，或者係事後有檢查安全套無穿漏，會懷孕嘅機率都唔高，唔使擔心。
不過都想問清楚情況係咪：2月頭嚟過月經之後，3月有食過事後丸，但一直都而家4月頭都未嚟過月經，定係3月都有嚟過？
因為緊急避孕藥因為含有高劑量荷爾蒙所以對於月經會有一定影響，有機會令下一次月經提早／延遲，亦有機會影響月經嘅血量或者血嘅狀態。如果想知道有無懷孕的話，係性行為11日後或者預計月經嘅日子驗孕已經會有相當可靠嘅結果。加上你哋係家計會食藥嘅時候，護士應該都有同你哋約期覆診去驗孕，你哋都可以等到覆診嘅日子再係家計會驗孕都ok，亦可以到時同醫生講番月經未嚟嘅情況。
同一時間月經可以被其他外在內在因素影響到，例如情緒壓力、病過食過藥、生活習慣有改變等等，都可以令月經出現變化。再加上要睇番你女朋友本身嘅月經周期數字，同埋本身係咪穩定，有時可能即使冇發生過性行為，月經都唔係太準時嘅時候，遲咗都未必關性行為時嘅。
係呀 2月頭嚟過之後3月都冇嚟過
三月係無黎過月經的話，都可以放心先嘅。 就如 @Kitty_StickyRiceLove 上文所講，緊急避孕藥係會對月經有一定程度影響。可以等家計會覆診再驗孕嘅時候，再同醫生將月經未黎嘅情況，睇睇醫生有咩診斷
女朋友以前有無試過好似今次咁，隔大概兩個月先黎一次月經？如果有差不多嘅情況出現過，都可以放心先嘅，始終已經服用事後丸，懷孕嘅機會係好低 或者，現階段可以先建議女朋友保持番生活作息規律，等身體狀況穩定D，有助令月經週期更穩定。