有種壓逼感

我同男朋友一齊左半年 唔知點解我好似無以前咁中意佢 佢成日應承左我做嘅嘢又做唔到 同佢一齊唔開心多過開心 我同佢講過要分開下 佢有挽留我 但係當我同佢傾計個陣 唔知點解我覺得好辛苦 抖唔到氣 有種壓逼感 我覺得自己好衰 好似辜負左佢一直嘅期望 但又唔想因為覺得佢慘先同翻佢一齊 我宜家單身自由自在我覺得好舒服 無壓力。佢今日約我出街 我應唔應該去見佢?

1個讚

唔好意思遲咗覆你呀。:pray:t2:

你都有提到同佢傾計嘅時候覺得好辛苦、抖唔到氣、有壓迫感,覺得自己好衰,辜負左佢一直嘅期望 ,我好好奇想知道佢嘅期望係啲咩?令你咁辛苦同有咁大嘅壓迫感。另外都想知道你嘅期望係啲咩呀?好多時我地都會為做滿足對方嘅期望而忽視咗自己嘅期望,你地對呢段關係嘅期望又或者對對方嘅期望究竟係啲咩呀?如果係一段關係裡面一味滿足對方嘅期望,無好好去照顧自己嘅期望,都會好容易覺得攰架。:pleading_face:

我見到上面你提及嘅係佢應承你嘅嘢做唔到,都想知道有咩係佢應承咗你又做唔到架?就咁睇落,你係因為佢應承咗你嘅嘢做唔到所以「無以前咁中意佢 」同埋「同佢一齊唔開心多過開心」?

兩個人嘅相處,有好多學問,我諗你都並唔係因為一樣嘢而離開佢,你知道佢依然愛你,但係可能呢份愛比較沉重,無以前咁舒服輕鬆,好似明明一開始著住一件棉褸,一件件不如意嘅事就好似水咁倒入去,慢慢件棉褸開始重咗好多,你想掉走佢,等你行的輕鬆啲。:footprints:

其實每段關係都有權利同義務。事實上佢的確應承咗你嘅嘢做唔到,你覺得佢好似無負過責任咁樣,「明明應承咗我點解做唔到?」、「次次都做唔到,點解要應承我?」我都想知道,每次佢應承你嘅事,係佢同你講嘅,定係你要求佢去做嘅呢?唔係講緊主動被動咁簡單,而係呢樣嘢你地有無商量過,係咪大家都同意。:white_check_mark:

一段關係會將兩個人,變成一對人。就好似玩OverCook嘅時候咁,需要兩個人去配合,先至可以順利過關,每做一個決定,都要配合對方,分工合作。每個人係關係裡面都會有唔開心嘅時候,覺得同對方唔夾嘅時候,好容易就會諗分開。係呢個時候要諗清楚,係鍾意定係愛佢。:interrobang:

咁要點先可以知道自己鍾意定愛佢呢,你可以做下以下嘅量表,睇下自己係鍾意定係愛。有以下嘅情況就係隔離記低俾自己一分。

(1)他情緒低落時,我覺得重要的職責就是讓他快樂起來。

(2)所有的事件我都可以信賴他。

(3)我覺得要忽略他的過失是件很容易的事。

(4)我願意為他做所有的事情。

(5)對他,我有一點佔有欲。

(6)若不能跟他在一起,我覺得非常的不幸。

(7)我孤寂時,首先想到的就是要去找他。

(8)他幸福與否是我很關心的事。

(9)我願意寬恕他所做的任何事。

(10)我覺得他得到幸福是我的責任。

(11)當和他在一起時,我發現我什麼事都不做,只是用眼睛看著他。

(12)若我也能讓他百分之百的信賴,我覺得十分快樂。

(13)沒有他,我覺得難以生活下去。

(14)當和他在一起,我發覺好像兩人都想做相同的事。

(15)我認為他非常好。

(16)我願意推薦他去做為人所尊敬的事。

(17)以我看來,他特別成熟。

(18)我對他有高度的信心。

(19)我覺得什麼人和他相處,大部分都有很好的印象。

(20)我覺得他和我很相似。

(21)我願意在班上或團體中,做什麼事都投他一票。

(22)我覺得他是許多人中,容易讓別人尊敬的一個。

(23)我認為他是12萬分的聰明。

(24)我覺得他在我所有認識的人中,是非常討人喜歡的。

(25)他是我很想學的那種人。

(26)我覺得他非常容易贏得別人的好感。

結果分析:1~13項為愛情量表的部分,14~26項為喜歡量表的部分,比比看哪個部分符合的項目表較多,就知道比較偏向喜歡還是愛囉!

Source:https://spiketren.gitbooks.io/psy101/ch16/love.html

與其話你問緊究竟應唔應該同佢出街,倒不如話你問緊應唔應該繼續同佢做朋友。:busts_in_silhouette:

咁你可以諗下以下嘅問題,唔單止你,你都可以問下佢。

你維持呢段友誼嘅目的係乜嘢?為咗將來同佢復合?定係滿足被陪伴嘅需要?而你地兩個係咪都係相同嘅目的?

如果並唔相同,咁呢段友誼根本就無可能係一段健康嘅友誼,只會係一方好想復合,另一方只係想搵人陪,不斷咁循環落去之後,總有一方覺得攰,退出呢場遊戲。就算都係一樣,仲要睇下你地係拍拖之前係咪朋友啦、分手嘅處理方式、兩人之間依然有信任、大家係咪好多共同朋友,同埋大家願唔願意一齊去調整下雙方相處嘅模式。:speech_balloon:

至於應唔應該同佢出街,我諗你心裡面都有個答案啦。:wink:

我同佢一齊就係因為覺得我地兩個都好似好夾咁 未一齊之前佢成日都會氹我開心 但一齊之後佢就只會發脾氣同埋有時仲會鬧我 我覺得我單身個陣比拍拖之後更加開心 我知我可能對佢都唔係咁好 但係之前佢有日話佢唔想再做我隻兵個下 我心都碎埋 原來佢一直都覺得自己係做緊兵 我唔明我付出黎做咩
同埋我有諗過會唔會係我同佢太快就開始黎段關係 個心態都未完全ready 所以先搞到咁

你好呀,其實你都講到好明,感覺宜家單身係舒服、無壓力,相信你內心知道自己唔傾向再去同佢一齊,而係想move on。係咪應該因為負罪感而同一個人一齊?我就絕對唔建議。如果你內心已經唔想再同呢個人去build呢段關係,就算見幾多次都好,都好難維持落去。

一段關係裡有兩個因素好重要,一黎係激情,二黎係雙方維持關係上俾既efforts。聽你描述,唔似再有激情(當然都可以培養,但要睇雙方點做),咁你想唔想再落efforts去呢段關係?如果你諗起要再好努力咁同佢一齊都覺得辛苦,答案可能就係否定既。我都認同你之前既做法,可能分開一段時間,試下單身,對大家都好。

你講既幾件小事,其實都係拍拖中好常見既情況,雙方變得冇咁sweet喇,有一方「口不擇言」喇⋯。兩個人點處理呢啲小事,先真正反應出二人性格係咪夾。例如「未一齊之前佢成日都會氹我開心 但一齊之後佢就只會發脾氣同埋有時仲會鬧我」,你地以前有無傾過,點解佢個人好似少左耐心、多左要求?最緊要,係分清佢係呢段時間比較攰、應付唔到,定係厭左,定係佢既true colors就係咁。當然,氹同發脾氣都係互相,如果你冇做到對佢好好、成日氹佢,好難都要求佢做到咁既程度。

另外佢話「唔想再做兵」對你傷害好大,有機會係佢既無心之言,但卻留下好大傷痕。如果兩個人唔傾,都唔會明白對方真正既睇法。當然心理學角度上,一般拍拖時兩個人都會覺得自己係關係中付出得比較多果一個,如果任由呢種諗法發展,都對關係既負面影響好大。

最後,變得唔鍾意一個人其實都好正常,有拍拖就必然會有分分合合,亦免不了傷心難過。有時只可以做到盡可能唔傷害對方,但好難控制到他人點諗。如果真係要行到呢步,都希望你地兩個仍可以真誠相待,而你可以跟隨自己感覺:)