我想問咁樣隔住條底褲會唔會有bb?😭

女朋友有著底褲
我就咩都無著
我地摸下摸下發覺佢好濕
我就用下面磨下佢 頂下佢 插下插下(不過隔住條底褲淨係可以係出面頂下頂下)
無射到
想問下咁樣會唔會有bb?
今日係4/9 佢上次黎係3-18 下次應該係4-16
佢平時都黎得幾規劃 照道理應該啱啱好係前7安全期
因為我地都係處 仲未準備好所以好驚
有無人可以解答下我地?

你好呀 @Peter1

其實用安全期嚟避孕好唔準確架,所謂安全期係指女性月經前7日後7日,但係呢個時間係用28日嘅月經週期去計算,就算你有好規律咁紀錄自己月經經期,如果有月經唔係相隔28日,就已經好唔準確,而且都好難以上一次嘅月經嚟準確預計下一次月經嘅時間。而安全期係要確實嚟咗月經先可以開始計到,但係女仔嘅月經週期有好多因素影響遲或者早嚟M,包括壓力、飲食習慣、睡眠等等。:clipboard:

就算你地未發生過性行為,其實女性嘅陰道冠(俗稱處女膜)天生就會有啲窿,用嚟俾月經或者分泌物排出,所以有精子進入陰道一樣可以導致懷孕。:exclamation:

但係睇返你地嘅情況,其實懷孕嘅風險極低,就好似之前個post咁講,無進行過插入式性行為嘅情況底下,懷孕嘅風險係非常低嘅。而你地隔著衣物咁樣摩擦,精液有機會已經俾衣物吸收曬,你地亦無直接嘅體液接觸,所以懷孕嘅風險都係極低嘅。:wink:

值得注意嘅係,如果你地未準備好,而且都好怕意外懷孕,其實係做任何嘅性接觸,包括你地咁樣嘅摩擦,都應該帶返安全套做返個預防措施,咁樣大家都安心又放心。:slight_smile: