好膽心會5會係有咗

我想問下我係1/4-1/3(應該係黎M),但係我係1/3有做過,冇帶套(係係有外射)。但係黎完M之後個幾日keep住下腹悶痛(依家都係第4日),肚臍下面仲好似有條線,會唔會係有咗?

你好呀! @Hello1 都想問下你月經嘅情況係點樣嘅,你意思係幾時到幾時嚟月經呀?幾時又有性行為呢?

首先,體外射精唔係一個有效防止意外懷孕嘅方式!!!因為其實男性係射精之前已經會分泌一啲透明嘅液體,姐係尿道球腺液,裡面會含有少量嘅精子,其實一粒精子就已經可以令女性懷孕,因此就算係就嚟射嘅時候抽出嚟,尿道球腺液都會令你懷孕架,因此係性行為期間真係要全程使用安全套呀,唔單止可以防止意外懷孕,安全套仲係唯一一個可以防止性病感染嘅方法:wink:

但係睇返你地嘅情況,如果性行為有月經嚟嘅話,其實已經唔會有懷孕嘅可能,因為月經係卵子無受精嘅情況底下子宮內膜脫落而引致嘅。:relieved:

至於話嚟完M之後下腹有少少痛嘅話,其實有好多原因,會分為「原發性」同「續發性」。

「原發性」經痛係因為子宮內膜增厚,但卵子並無受精,因此增厚咗嘅子宮內膜就會因為無受精卵著床而脫落,子宮內膜脫落之後,身體就會分泌前列腺素,而前列腺素係用嚟令子宮收縮,方面排出經血嘅,如果前列腺素分泌過盛,就會因為咁樣而令子宮過度收縮,因此就會有M痛嘅情況。呢種M痛其實好難避免,因為係生理機制引致嘅情況,通常會維持3-4日,甚至維持到月經完。

而「續發性」嘅經痛,原因就複雜得多,而且大多數都係因為病理上嘅原因,包括子宮內膜異位、子宮肌瘤、子宮囊腫等等,但係通常都會有強烈嘅痛楚,呢個時候就要去睇醫生啦。:wink:

睇返你嘅情況,如果悶痛嘅話,多數都係原發性經痛,因此你可以食啲止痛藥或者用熱水袋敷住痛嘅位置,盡量等自己作息規律啲,放鬆心情,做啲自己開心嘅嘢,嚟舒緩M痛嘅情況。:pleading_face:

另外,食避孕藥都係一種改善經痛情況嘅方法,因為避孕藥有抑制排卵嘅功效,因此會令體內嘅前列腺素有所降低,所以就無咁容易有經痛嘅情況。:relaxed:

至於話有條線嘅情況,有機會係肌肉或者脂肪引致一啲摺痕。不過都要繼續留意下如果條線變成紅色嘅話,就要去睇醫生啦。:pleading_face:

好啊!5該晒你:pray:t5::sob: