Hi,我今個月4月2號嚟m之後4月6號完咗，今日4月10號有同男友親密過，我幫佢打飛機之後佢都有用手打過但唔知有冇掂到佢d分泌液，然後我就去廁所，去完廁所就洗手，之後佢就用手伸入去我下面（佢伸之前有洗手不過冇用番梘），佢用手插咗幾下之後我就叫佢再洗多次（今次有用到番梘），佢用手插我下面嗰陣時我就用手幫佢打飛機（我哋兩個企係到），跟住我高潮完之後佢就用紙巾幫我清潔番下面然之後佢就洗手，我就著番褲，之後我就幫佢含到出野佢就射咗落我個口到，我就吐番出嚟洗口同洗手。
我想問下佢插我嗰陣d透明分泌物仲係唔係到同埋我而家係唔係安全期，本身自己經期好唔準，遲遲一遲嚟m都好驚個人好唔開心搞到自己好大壓力，上一次嚟m（啫係4月2號嗰次），嚟m之前嗰肚谷住，個胸又脹又痛，肚落少少又痛好似m痛咁，呢d其實係咪正常？最後係咁次親密過程中會唔會有咗，而家個人好驚好擔心
希望可以回答我thxxxx
Hello~ 照你所講嘅情況，懷孕嘅機會好低阿，唔洗太擔心
精子接觸空氣之後通常喺幾分鐘內住精液蒸發而死亡，而用水沖洗精液之後精子嘅—存活率就更加低，所以即使你男朋友打完飛機之後有分泌液殘留喺手上，佢洗完手再插入陰道嘅時候啲精子都已經死曬。另外，你喺另一個post補充嘅情況亦都唔會導致懷孕，因為精子需要大量精液作為媒介先可以游入陰道，而且你地亦無進行插入式嘅性行為，即係陰莖插入陰道，所以精子係游唔到入陰道架~
至於安全期其實並唔係一個有效嘅避孕方法，好多時都要等到黎經後先可以推算返上一個月嘅排卵期同安全期，因為有好多因素會影響到經期，例如生活作息習慣改變、服食過藥物、心理壓力大、長期處於擔心嘅狀態等等，而你亦都提到本身嘅經期都唔太穩定，再加上月經都有機會同排卵期撞期，因為女性第一日黎月經嘅時候已經有機會排卵，而精子喺女性體內可以存活2-3日，所以亦有機會受孕。不過正如我頭先所講，遲黎m有好多因素影響，而且肚同胸脹痛亦都係黎m前嘅常見情況，所以即使比預期中遲黎m亦唔需要太擔心阿
1個讚
@Ana_StickyRiceLove
唔好意思呀，我仲係有啲擔心，我想問下嗰啲透明分泌物係咪接觸到空氣就好快死？因為我幫男朋友含嗰陣 有口水流咗落佢陰毛嘅位置，然後我休息緊嘅時候佢自己都有用手打過，我諗佢打嘅時候都掂到口水，同埋d口水都應該會有透明分泌液同前列腺液？
之後我就想去廁所，我去緊廁所嗰陣就沖一沖就手再用紙巾抹番我下面，之後好似我之前所講男朋友用手插我下面，我插之前有洗手再插我下面，不過我就驚有分泌液係佢隻手到，再叫佢用番梘洗多次再幫我插。我想問下其實d分泌物真係已經死曬？
同埋我上次嚟m（4月2號）係比再上一次（2月24號）遲咗9日到，我好驚我親密行為係排卵期，我而家超擔心，因為我嗰肚有啲唔舒服，本身腸胃好差，好驚有咗，希望可以幫下我啦
正如 @Ana_StickyRiceLove 所講， 精子係需要一個媒介去進入體內。而透明嘅分泌物（尿道球腺液）內雖然含有精子，但係含量都係好少。不論係尿道球腺液，或者精液，接觸空氣之後，好快就會隨住空氣，令入面嘅水分蒸發變乾，並令精子失去活動能力而死亡。接觸到唔同物質例如枱面、衣服、化學物、清潔劑，都會進一步降低精子嘅活動能力。所以一般幾分鐘內尿道球腺液／精液都已經會乾透，令精子無辦法游入陰道內，導致懷孕。
所以即使最後彼此嘅手真係有接觸到精子，但因為接觸後已經儘快洗手，令精子存活及活動嘅媒介（精液／尿道球腺液）都已經被沖走，而且相隔一段時間先再次接觸性器官，精子已經無辦法再游入陰道內導致懷孕
精子亦無辦法殘留喺手上啊～
睇番你嘅情況，每一次彼此接觸性器官／分泌物後都有洗手
，咁透明嘅分泌物（尿道球腺液）內含嘅精子，再次接觸性器官之前，應該都已經死曬架啦
而因為本身今次嘅懷孕嘅風險真係好低，加上安全期本身唔係一個有效嘅避孕方式，所以唔需要太執著到底性行為當日係安全期／排卵期啊，本身女性亦好難準確掌握排卵日嘅日子 肚唔舒服的話，未必係懷孕嘅徵兆，建議可以睇睇醫生，了解係咪身體其他部分出現問題
1個讚
@Sze_StickyRiceLove
對唔住又係我
，我想問下我而家仲係唔係屬於安全期，我而家有白帶透明又有啲白白地咁有少少黏拉到少少絲又有少少稀咁，琴日開始個頭到隻眼都痛，又有少少頭暈咁，個肚又有少少谷同脹咁，真係好擔心，對唔住又要麻煩到你哋
所謂嘅安全期係指以一個28日週期去計的話，第14日係預計排卵期，而月經前7日同月經期間嘅7日屬於懷孕風險比較低嘅日子。所謂安全期係需要月經來臨嘅時候先可以知道嘅，唔能夠推算下一次嘅日子。而且每個女性每個月嘅週期數字都可以有變化，所以都唔能夠準確知道排卵日係幾時，同埋幾時係安全期。
你所講嘅白帶徵狀有機會係排卵亦有機會係月經前嘅症狀，同一時間亦可以係因為身體唔舒服而導致嘅變化。你提及眼睛有唔舒服，覺得頭痛，肚又唔舒服，不如去睇睇醫生，咁就一清二楚啦，啲徵狀有可能係眼睛發炎或者感冒，盡快睇醫生食藥會好啲。
1個讚
係啊，就如之前所講，
所以你男朋友用手指插入你身體嘅時候，手上即使洗手前有殘留嘅精液／尿道球腺液，洗手後已經無精子殘留到喺手上可以導致你懷孕 
安全期的話，如果一向約38日黎一次月經的話，咁排卵日就一般係下次月經黎之前嘅19（=38/2）日，而危險期就係排卵日嘅前五日至後四日。假設你係4月1日黎月經，下一次月經就會大約係9/5。咁排卵日就會係19/4，危險期就會係14-23/4。安全期就會大約係1-13/4 及 24/4-8/5。不過再重申，就如 @Kitty_StickyRiceLove 所講，
女性每個月嘅週期數字都可以有好多因素影響，出現變化，我地係好難準確知道排卵期及安全期係幾時，唔可以依賴安全期避孕，失敗率亦好高 
只有我地能夠掌握下次月經黎嘅日子嘅情況下，我地先可以準確得知今次嘅月經週期嘅日數，先推斷到我地嘅排卵期及安全期，但那係我地係無辦法做到。例外嘅係你有持續每日使用排卵棒檢測，不過亦未能100%能夠準確顯示排卵日日期，只建議醫學上身體唔適宜使用安全套及避孕藥嘅人先考慮選擇用排卵棒配合安全期嘅方式避孕 
其實講到最後，最穩陣、最方便、最可靠，都係建議用番安全套，或者其他避孕工具啊～ 
1個讚
我明白啦真係唔該晒你呀
1個讚