都有點怕 ...

5/4黎m 10號完左,之後11號晚做愛內射左 咁樣有bb機會大嗎?

Hello,首先想你知道即使岩岩黎完m/黎緊m嘅時候都有機會撞正排卵期嘅,因為女性喺黎m第一日已經有機會排卵,而精子喺女性體內可以存活2-3日,所以都有機會懷孕。如果擔心/未有準備懷孕嘅話,你地可以到私家診所/家計會睇醫生領取緊急避孕藥。由於緊急避孕藥必須喺性行為後嘅 72 小時( 單一荷爾蒙) 或者120 小時(黃體激素受體劑) 內服用,所以建議你地如果決定食就盡快去睇醫生,但記住法例規定緊急避孕藥係一定要經醫生處方嘅,而且因為緊急避孕藥嘅負作用比較大,所以亦需要由醫生判斷你嘅體質適唔適合食。有關緊急避孕藥嘅資訊可以喺以下依個網頁了解下: https://www.famplan.org.hk/zh/health-info/contraceptive-methods/emergency-contraception

最後想提提你地,安全期並唔係有效嘅避孕方法,所以如果你地未計劃同準備好生育嘅話,建議大家傾下之後嘅性行為會採用邊種避孕措施 (e.g.安全套、口服避孕藥、子宮環等等),最緊要大家有個共識,咁就唔洗每次性行為之後都咁擔心啦:relaxed: