我今日第四日吃避孕丸 但有冇套性行為 ，如果我每天保持吃避孕丸，請問我這樣會懷孕嗎
但没有內射
很擔心呢
你好啊 @xxx 
想了解番你第一日服用避孕藥係幾時？係月經黎嘅第一日／月經期間／月經週期外嘅日子開始服用？因為一般避孕藥都會建議番月經期間就開始服用，而服用嘅第一個禮拜，亦建議配合番需要使用額外嘅阻隔式避孕措施（e.g.安全套）
因為如果係月經黎嘅第一日服用的話，持續每日依時服藥，藥效應該已經係即刻見效。
月經期間開始服用的話，就一般需要7日建立藥效。首7日建議要額外使用安全套
月經週期外嘅日子開始服用第一粒避孕藥的話，就可能最少需要7-15日左右藥效先會變得穩定，期間亦要配合額外嘅安全套，避免藥效不足而導致懷孕～
假設你係月經週期間開始服用避孕藥的話，因為只係食到第四日，藥效未必建立好。雖然你無內射，但係因為陰莖性興奮嘅時候，已經會分泌出透明嘅尿道球腺液（pre-cum），內含少量精子，係有機會導致懷孕，所以依然係會有懷孕風險。
建議性行為11日後進行驗孕 擔心的話性行為後7日驗孕已經可以得到初步結果，但因為一般受精卵著床需要11日，著床後會分泌大量hCG，所以11日後嘅結果會較為準確及可靠
不過如果你係指，一直有依足指示，定時服用開避孕藥，只係開新一盒藥嘅第四日的話，咁就唔需要擔心 因為避孕藥藥效已經喺你體內建立左，咁嘅情況會導致懷孕嘅風險係近乎零。
最後，提醒番避孕藥唔能夠減低性病傳播風險，建議配合埋安全套使用，咁就一方面再降低懷孕風險，另一方面減低性病傳播風險啦
我第一日服藥是月經最後一天 到現時已經吃了第六粒 性行為那是已經吃了第五粒。所以我是有機會懷孕？
你係自行買藥，定係有見過醫生例如去家計會做過檢查先開始食藥嘅？因為醫生一般會參考埋你以往嘅月經週期同身體狀況先建議你適合邊一款避孕藥，同埋會講清楚食法。一般嚟講如果係月經開始6日以內食藥的話，係即時會有避孕功效嘅。不過因為有好多女性本身月經週期都係唔穩定，排卵期亦比較唔穩定，亦有女性係月經期間身體已經排卵，所以先會建議即使係月經期間服藥，頭7日都要額外使用避孕措施。
如果你一向月經週期都比較穩定，亦唔會特別短 （例如14－20日一個週期），咁原則上你係食藥後第5日就發生無套性行為會懷孕嘅風險都唔高。如果擔心的話可以係性行為後11日驗孕，到時就會清楚狀況。