無儲精囊condom用法

想再請問,用無儲精囊condom,有無特別要注意嘅地方呢?其實係咪感覺真係「有所提升」呢,定只係綽頭(心理作用)?

謝謝

使用普通安全套嘅時候要將儲精囊內嘅空氣擠出,確保射精嘅時候唔會因為氣壓而整爆安全套,用無儲精囊嘅安全套時要小心留意嘅係因為佢設計上無儲精囊,所以係度落陰莖嘅時候要先將空氣都推走,盡量將頂端貼近龜頭,先至再套到落底。呢方面盒內說明書應該會再有詳細說明,可能會有圖輔助,應該會容易啲明白。其他就同用普通安全套時多無咩分別:不外乎分清楚正反面、要係整個性交過程都戴著、要確保有足夠潤滑等等~

至於感覺上係咪真係會唔同,呢個就好視乎你個人嘅體驗啦。有時唔同款式嘅安全套都會有自己嘅設計,例如有螺旋紋,或者係頂端比較窄,又或者添加帶有刺激感嘅潤滑劑去提升性愛嘅感覺,會唔會真係「有所提升」就睇返你本身性器官嘅敏感度同埋喜唔喜歡呢啲設計啦。同一個安全套,唔同人用都可以有唔同感受嘅,要試咗先至知~

不過講起無儲精囊,要睇清楚佢係安全套定係口交套呀,口交套一樣係無儲精囊但通常就連潤滑劑都唔會有嘅,專門俾口交使用嘅。

明白哂 謝謝你:smile:

1個讚