我有一次睇A 片，勃起左但係冇射，之後摸到龜頭有d 濕濕地。
之後我去小便，d 尿濺到廁所板同廁所邊，我家姐之後就入左去大便。如果佢隻手掂到廁所板上面嘅液體，之後又有自慰或者塞左隻手入陰道，或者陰道掂到d 液體，會唔會懷孕。
另外我佢洗手嘅時候，洗手盆放左佢嘅一條底褲，會唔會我手上嘅液體流左去底褲上面而令到佢之後著會懷孕。但係佢之後有用番梘洗底褲，但係我唔知佢洗得乾唔乾淨，如果上面仲有殘留嘅話，佢下次著嘅時候會唔會因為仲有d 精子係到而懷孕。
我洗唔洗掉左佢條底褲…
佢依家仲未著，同埋我又就黎考dse，真係好大壓力…
Hello 你摸到濕濕地個啲係男性係性興奮時會分泌嘅尿道球腺液，係透明，而當中亦的確有機會含有小量精子嘅。不過你所講嘅所有情況都係無可能可以導致另一個懷孕。要達到懷孕，性器官要直接有接觸過，體液亦需要有直接接觸到，因為精子需要媒介先可以活動到，所以你所講嘅所有情況以下嘅精子都係無辦法活動或者導致懷孕。
先講尿液濺濕咗廁所板同廁所邊，首先尿液中會含有精子嘅可能性極低，一般係射精後假若有精子殘留係尿道內先有機會係下一次排尿時伴隨尿液排出。不過相信你家姐見到廁所板上有尿液都會先用紙巾抹走先開始如廁，呢個抹走尿液嘅行為亦會將有機會含有嘅精子抹走咗，唔可以導致懷孕。
另外講洗手盆嘅情況，首先你係呢件事上面手波只係有摸到龜頭上有少少濕，係之後你有接觸到好多其他嘢，例如著返條褲、開門、閂門、揭開廁所板、沖水等等，呢啲接觸到令分泌物同精子唔會再殘留係你手上，所以亦唔存在可以將「手上嘅液體流左去底褲上面」。再加上精子係接觸到空氣同其他物質（例如番梘同水）係唔會再可以生存到，所以係絕對冇可能可以間接導致你家姐意外懷孕。
要做成懷孕亦唔係一件咁容易嘅事，即使係體內射精，每次精液內咁多精子接觸到陰道黨代表可以成功受孕，更何況係你所講嘅咁少分泌物，咁少精子量，中間接觸過咁多嘢發生過咁多事嘅情況呢。唔需要擔心。不過下次如果尿液濺濕咗廁所，記住自己清理返啦。
明白DSE就到會好大壓力，不過你所擔心嘅都係一啲無可能發生嘅事。如果覺得會影響情緒，一係暫時暫停一切自慰嘅行為，或者係房間內清理好身體同手，隔絕一切可能性，咁都會安心啲。DSE加油啊！！
如果佢冇將尿液抹走呢？咁係咪就有機會會懷孕？
另外我小便嘅時候隻手都hi 到少少尿，如果上面有嘅話，會唔會將手上見有嘅鳥沖左去底褲上面？但係佢條底褲依家仲掛左係窗口
唔會有機會懷孕。
上面解釋過尿液含有精子嘅機會率好微，而且精子需要媒介（精液）去提供養份同輔助由陰道去子宮。你所講嘅情況中精子都係無精液嘅輔助，係唔會有機會生存到，亦唔會可以導致懷孕。
其實我隻手掂到之後都有避免掂到屋企其他野，咁樣有會唔會反而增加左精子嘅存活率？定係其實接觸到空氣就會即刻死？
btw 好多謝你咁細心咁答我呀
冇錯其他物質可以加速精子死亡，但無論你有冇接觸到屋企其他嘢，你所講嘅所有情況都因為精子並唔係存在係可以支援佢生存嘅精液中，係唔會生存到，亦唔會可以導致其他人懷孕。