我經期不嬲唔太準，10幾日/20幾日/30幾日 /40幾日都試過，上次經期相隔左39日先黎。
我最近一次性行為係無套外射，大約3個禮拜前，而且呢個禮拜啲分泌物係黃黃綠綠咁（冇痕冇痛冇味），懷疑自己陰道炎，有搽住之前睇醫生剩低啲藥膏。
上次經期係2/3，依家仲未黎，會唔會係有bb
好擔心！定會唔會係陰道炎有影響，同埋呢排好夜訓，差唔多5點訓，有排日日6-7點先訓，會唔會影響月經遲到
求解答問題，thanks
分泌物出現異常的確有機會係陰道炎，會建議你盡快去睇醫生呀，用之前剩低嘅藥膏唔係一個好嘅做法，因為藥膏開咗一段時間後，因為有接觸過空氣，會增加接觸到細菌嘅風險，而且一般藥物都會寫明開封後幾耐要用晒，同過幾日係唔一樣嘅。而且雖然症狀好類似，但都知發炎嘅原因同病菌同一樣，唔一定係用同一隻藥物可以處理好，所以都係盡快去睇醫生會好啲。
而有過無套外射嘅性行為一樣會有懷孕風險，建議你可以買支驗孕棒檢查一下會安心啲。加上你一向月經週期都比較唔穩定，排卵嘅日子相對亦會有啲變數，所以亦難啲去評估懷孕嘅風險。
不過月經未嚟又唔一定係因為懷孕，你本身經期唔穩定，最近生活習慣有改變、成日夜訓，又有陰道炎症狀，呢啲都係可以影響月經嘅因素嚟。先去驗孕確保自己無意外懷孕應該會安心啲～
好啊 唔該你啊 因為我之前睇陰道炎係係台灣睇
想問有冇推薦去邊間價錢合理啲婦產科診所？我有大約千二蚊左右，浸會醫院既婦產科門診OK嗎？比較同埋家計會會推薦邊個多啲？唔該曬你
因為最近都有啲經濟負擔
謝謝回答
我哋無醫生特別推薦呀。陰道炎係相當普遍嘅病症，相信大部份醫生都會處理到。甚至係普通門診或者家庭醫生都可以做到檢查同開藥治療嘅。
家計會嘅服務應該係無包括治療陰道炎，如果係26歲的話可以先打去青少年保健診所果邊查詢同預約；26歲以上的話都建議先打去佢哋婦女健康服務診所查詢先。