會唔會係懷孕 好擔心!求求盡快回答

女友在4月7日嚟m,在4月13日停m,之後我們在4月14日,我用陰莖前端在她的陰道口磨蹭,雙方也沒有穿著內褲,但是不清楚陰莖前端上有否前列腺液,而且她的陰部也非常濕潤,請問會懷孕嗎

在磨擦當中沒有射精,也沒有插入

求求盡快回答

陰莖性興奮嘅時候,已經會分泌出透明嘅尿道球腺液(pre-cum),內含少量精子,係有機會導致懷孕。所以喺陰道口磨嘅時候,都有機會流入女友陰道內導致懷孕。雖然女友4月7日已經黎左月經,但係因為排卵期嘅日子有好多因素可以影響,唔能夠確定4月14日就係安全期/排卵期。所以依然係有懷孕風險。不過無進行插入式性行為的話,會導致懷孕嘅風險都比較低嘅 :blush:

:point_right:t2:都想了解下女朋友一向月經週期係比較短/比較長?
因為有部分女性其實月經期間已經會排卵,不過較大機會係出現於月經週期比較亂/比較短(週期約十幾至二十日)嘅女性。

如果女朋友向來月經週期係比較穩定(約28日或以上),都唔需太擔心嘅。不過雖然風險低,但係唔代表無風險。所以下次性行為都要小心啊,進行任何性接觸都記得戴番安全套啦,咁就唔洗好似今次咁擔心 :relaxed:

最後,建議番性行為11日後進行驗孕,咁就可以更放心啦:blush: 心急的話,性行為後7日已經可以有初步嘅驗孕結果。因為受精卵著床一般需要6-9日,到時候會分泌出大量hCG,穩陣起見11日後驗孕結果就會比較準確及可靠。

謝謝你 你的回覆:pray::pray:
她一向月經周期也正常穩定的
但係我想問下雖然呢個個案風險較低
但有否需要去諮詢醫生或進食事後藥

暫時都唔太需要諮詢醫生或服用事後丸嘅 :blush: 始終懷孕風險較低(一黎剛完月經,二黎女友本身月經週期較長而穩定,三黎你亦無進行插入式性行為),而且服用事後丸對身體都會有副作用。

不過你衡量完風險之後,最後都係決定想睇醫生或服用事後丸,都可以嘅 :relaxed: 提醒番服用事後丸嘅時限係性行為後120小時內。事後丸係有分72小時內(呢款越早服用藥效越高) 及 120內服用(服用時間同避孕藥效無影響)嘅。如果真係決定食事後丸,就建議盡快去睇醫生啦~ :woman_health_worker: :man_health_worker: 到時睇下診所/家計會(只提供120小時內服用嘅事後丸)醫生建議服用邊一款。

建議等性行為11日後驗孕一次就可以了 :wink: 同埋之後記得用番安全措施 :sparkles: