吾準時食事前避孕藥

我不嬲有食開yaz呢種避孕藥,食咗幾個月,雖然我每日都有食,check過係食齊晒咁多日,但我唔算太準時食,成日返返下工先記起食,咁我就慣左大概3:00pm食藥,但我經常性3:30/4:00先記得,會吾同時間食,但大部分時間都會係圍繞呢個時問,最遲都係遲咗幾個鐘,咁我就會同男朋友有無套但外射既性行為,我想問吾準時食會唔會影響避孕效果?但我係食齊每一日既藥

呢排日日都吾係同一時間食,有時3:15有時3:00有時3:40,總之就係比較少真係3:00食

有冇人可以答下我:pray:t2:

你好呀~ @Chloeyin:wave:t2:

其實只要每日係大概果個時間食避孕藥就可以架啦,好似你咁講,你每日都會食齊嘅話,其實都唔需要擔心嘅,除非你漏咗食藥,咁就要係記起嘅時候即刻補食返漏咗嘅果一粒,然後係果日3點嘅時候再食原本果日要食嘅果一粒。如果真係唔記得咗食兩粒或者以上,就要去搵醫生查詢返點樣補食返,同埋果段時間有性行為嘅話,都係要採取額外嘅避孕措施,例如安全套去避免意外懷孕嘅風險。 :wink:

同埋可以試吓轉另一個時間食,例如係臨瞓前,將藥擺喺床頭,咁都會容易啲記得。同埋手機有唔少Apps係可以用嚟記錄食避孕藥嘅,佢哋會有埋提醒功能。可以set個時間,佢每日夠鐘就會提你食藥,咁都有助你提醒自己要食藥。 :relaxed: