確保冇懷孕?

距離同男朋友上一次性行為已經一個月,驗孕棒驗到negative係咪已經確保冇事架啦:cry:
因為呢排下腹痛得好誇張:cry::cry:個胸又漲痛 好似網上啲媽媽話有左咁樣:pensive:

你好呀 @sakana !想知道你幾時驗孕架,如果係性行為後11日或者預計嚟M嘅日子,你又有跟足說明書上面嘅指示去做,其實結果都準確架啦。如果有需要嘅話,都可以再買多支驗孕棒驗多次嘅。 :wink:

至於你話下腹痛、胸漲嘅情況,嗰啲症狀即使係懷孕都唔一定會出現,所以唔可以單憑啲症狀去判斷一個人係咪懷孕。其實月經嚟之前都會有機會有出現呢啲症狀嘅,大概嚟M前7-14日內會出現,特別係嚟M前2-3個禮拜會更加明顯,所以唔洗太擔心。不過如果情況持續,可能就要搵醫生檢查下啦。:slight_smile:

我最後一次驗係性行為後嘅第32日 一樣都係清晰嘅一條線
但我怕自己hcg太低驗孕棒驗唔到:cry:洗唔洗買支先進啲例如電子版嘅驗?

其實如果你係性行為後嘅第32日驗嘅話,其實就已經準確架啦,你係無懷孕嘅,如果真係有懷孕嘅話,受精係呢個時候已經著床,而且身體會不斷釋出hCG,刺激雌激素和黃體酮持續分泌,令胎盤成熟,所以如果真係懷孕嘅話,體內嘅hCG水平一定能夠檢測得出嚟嘅。 :relaxed:

其實電子驗孕棒同平時嗰啲係冇太大分別嘅,純粹佢個顯示就唔係用試紙,而係用電子形式顯示。咁就減低左出現一條實線一條虛線或者啲人唔識睇嘅情況。同埋多數電子顯示都會有埋懷孕週數。而電子顯示嘅設計先進啲,佢哋個敏感度都應該比平時試紙嗰啲高,相對上都會準確啲。 :wink: