你好，我最近有一次同女朋友訓嘅時候就發左個春夢，夢見有射精。
平時我訓覺發夢射精嘅話就一定會夢遺，係每一次都有，但係今次竟然見唔到底褲有精液。
其實有冇可能會係我係射精果陣除左條褲？如果我係唔知情嘅時候除左佢條褲會唔會有可能令佢懷孕？
雖然好似好荒謬… 但係其實會唔會有可能我真係係唔知情嘅情況除左佢同我條褲？
我之後睇張床單係冇濕嘅
因為我最近成日都諗大肚呢d 野，我怕會唔會有d 夢遊嘅行為…
你好呀 @Anson1 ！其實並唔係每一次發春夢都會夢遺嘅，雖然你之前每次都有，但並唔係100%會發生嘅。即使你有除褲都未必會發生插入式性行為，無插入式性行為嘅話，懷孕風險係極低嘅。而且你都有講到，床單無發現有濕嘅情況，其實都唔係夢遺嘅。 
通常夢遊都係天生例如遺傳嘅情況先會有，家族裡面會唔會有人都有夢遊嘅病史？如果無嘅話，最近壓力會唔會好大或者好焦慮？好多時夢遊者都係身邊嘅人會發現到佢有呢個情況，如果你想知道自己有無夢遊嘅情況，可以問返你女朋友呀，如果當時有同佢做愛的話，最清楚就係佢架啦。 
1個讚
咁我一向都冇夢遊嘅，屋企都冇，但係最近壓力有d大，但係斷估應該唔會插入左佢唔知掛
，佢都完全冇同我講有d 咁嘅事
就好似你咁講，「應該唔會插入左佢唔知掛」，所以基本上你都真係真係冇喺夢中發生到插入式性行為，所以唔使擔心。壓力大可以搵個自己鍾意嘅活動玩下，例如打下機咁樣，又或者搵個地方自己一個靜下，其實都放鬆到心情架。而你有無夢遊就真係得佢先知道啦，可以同佢傾下呢件事，話唔定會成為你地嘅趣事之一呢。
其實如果我除左佢條褲射左係陰道口會唔會懷孕，同埋如果我真係除佢條褲唔會唔會醒