當我用飛機杯自慰，感到自己快要高潮的時候，打算加快抽插速度，但控制不了陰莖的擺動，陰莖像是頂著飛機杯內壁，無法加速，導致高潮感覺不高下射精，請問這是甚麼原因呢？
你好呀～ @Tik！ 
都想問返你陰莖嘅擺動係點樣嘅，因為正常嚟講，男性係射精嘅時候先會有抽動嘅情況，果陣就會因為陰莖需要將精液射出，因而肌肉收縮令陰莖有不由自主抽動嘅情況，陰莖會向恥骨方向抽動，然後放鬆，再抽動，呢種情況係無法控制嘅。至於你嘅情況，就係陰莖係射精前一刻，刺激達到最頂峰，海綿體完全充血，因此貼近身體，而且非常堅硬，因為太近身體而無辦法用飛機杯係果陣加速。 
呢度都想問下你，你意思嘅高潮感覺唔高係點樣嘅？通常嚟講，如果男性射精嘅時候就會係最興奮嘅時候嚟嘅，如果你覺得唔夠爽嘅話，可以試下自我控射，姐係控制射精，簡單嚟講嘅話就會係持續刺激陰莖直到有想射精嘅感覺，然後停止以免自己射精，當射精嘅感覺退下嘅時候，再繼續刺激陰莖，可以重複幾次，直到你想射嘅時候再刺激到自己射，咁樣可能會俾到更多嘅刺激感覺你。 
1個讚
相比用手，飛機杯的高潮感冇咁高，精液亦冇用手咁射得咁多，更多是流出來。
陰莖擺動係指快高潮時，陰莖愈見堅硬及貼近身體。
唔同人用性玩具時嘅感覺都唔同，所以飛機杯嘅刺激的確有可能無用手刺激咁強烈架 因為手始終都比飛機杯靈活、操控自如，所以對於陰莖嘅刺激會相對到位。另外，亦都有機會係因為你宜家用緊嘅飛機杯嘅設計唔適合你，因為飛機杯嘅外形同內壁都有好多唔同類型，例如有啲飛機杯係螺旋型，可以做到自動迴轉旋吸啜嘅效果，亦都有唔少嘅飛機杯可以做到真空吸啜嘅效果，另外亦都一啲電動嘅飛機杯可以做到更深層嘅陰莖按摩。而如果覺得飛機杯比較難控制刺激嘅角度同速度嘅話，都可以試下比較輕巧嘅飛機蛋，佢無飛機杯咁大個外殼，係一個柔軟又有彈性嘅膠蛋，所以用起上黎會比較類似用手打飛機嘅感覺，雖然佢比起飛機杯細，但都有唔少嘅紋路可以選擇架 
性玩具同衫褲一樣，都係需要親身試下先知道適唔適合自己，所以你都可以嘗試下唔同類型嘅飛機杯/飛機蛋，睇下會唔會搵到一款match到你嘅陰莖同刺激方法 
1個讚