最近唔知點解覺得扯期唔可以扯到盡
只可以扯到去可以夠硬插入
點先可以好返可以扯返盡
依加覺得自已好無能
之前仲試過插插下軟左
補充 21歲 無煙無酒 少夜瞓
其實感覺夠唔夠硬，都係睇返陰莖海綿體充血嘅狀況，如果能夠完全充血的話，陰莖就能夠所謂嘅扯得盡，但係其實能夠插入女性身體並且射精，就已經足夠啦。 
至於覺得自己唔夠硬，其實可以嘗試下做運動，令自己身體嘅血液循環好啲，特別係下肢嘅運動，刺激睪丸酮嘅產生，可以令你性慾增加同陰莖勃起次數增加，同時血液嘅循環都會令流入海棉體嘅血液增加，理論上就能夠增加陰莖嘅硬度。 
可能你嘅情況真係旁人好難明白，有時真係有苦自己知。但係其實引致陰莖係做愛過程中疲軟嘅原因有好多，可能係壓力、疲累，可能係睡眠嘅質素，又或者係前戲太長，都有機會令陰莖疲軟。而影響性生活嘅原因都有機會係因為心理上嘅唔舒服，都想知道你地兩個相處得如何呀？
同埋如果你曾經係之前有咁嘅情況出現，係下一次性行為嘅你又會好擔心出現返同樣嘅情況，導致你想表現得好啲，咁無形中都會俾到壓力自己。都明白好難叫自己唔去諗，但係可以試下唔同方法睇下能唔能夠改善。
其實市面上都有啲潤滑劑或者安全套聲稱能夠持久啲，原理就係安全套會緊啲啦，令刺激感大啲，而熱感/冷感潤滑劑都可以俾到唔同體驗你，不妨都可以試下。又或者可以試下陰莖環，戴咗陰莖環之後，佢會減慢陰莖裡面血液倒流嘅情況，從而增加血液係海棉體裡面嘅時間，咁樣去達至延長勃起時間嘅功效。 
亦都可以試下突然而來嘅性行為，可以係即興、完全無預備嘅情況下有性行為，可以托伴侶幫你製造個驚喜，係咁突然嘅情況下，你係唔會有時間去諗「等等表現一定要好啲」，而且都幾有情趣架。當然，記住係事前做足安全措施，避免意外懷孕嘅情況。 
另外，唔同嘅體位都能夠令刺激感更加強架，多啲試下唔同體位，可能都能夠帶嚟新嘅刺激。例如女上男下嘅體位，一嚟可以望住伴侶，情感上面交流多啲，二嚟又可以望住胸部有視覺上嘅刺激，三嚟用嘅力又會少啲，可以全副心機放係享受上面，都係一個唔錯嘅選擇。又例如後入咁，呢個體位會刺激到男性嘅包皮繫帶，同時會冠狀溝有強烈嘅刺激感架。 
以上都係一啲方法令你持久啲，希望可以幫到你啦。 
感覺呢幾日嘅性慾好似無物咁
以前係可以日日自慰 依加幾日都無物想打嘅意慾咁
依加無物意慾打 但專登睇片打都會硬到
但係一停就好快軟 我想好似之前咁需求大返
其實無論係性慾增強/減少都係好正常嘅事黎架 
因為性慾本身會受到環境、情緒、壓力、作息、荷爾蒙等等嘅因素影響，就好似食慾一樣，每個人都會有胃好好/唔太好嘅時候，而性慾減少/勃起嘅持久度轉變都唔代表你有性功能障礙，所以如果依幾日嘅性慾比較低嘅話亦唔需要勉強自己進入性興奮嘅狀態同自慰。如果覺得依個情況困擾到你同女朋友嘅性生活嘅話，可以參考下 @Kaleo_StickyRiceLove 建議嘅方法，最緊要係唔好俾自己太大壓力，同埋同伴侶有良好嘅溝通