你好啊，我曾經2月21日係吹水個到投過稿。依家我同男朋友又出現左小小問題啦
最近我同男朋友一日whatsapp都唔會超過20句，大多數都係我send野比佢，我三四句佢先覆我一句。佢每晚同我講完gn之後第二日起身見到佢online都係凌晨2-4點，佢起身時間就12點。佢平均都係1-2個鐘先覆我一句，我有問佢點解成日咁耐先覆一次，佢話因為多功課（佢有好多late submission，佢算對做功課比較懶）。佢話有時做完功課會打機（我已經訓左）其實我唔介意佢打機或者夜訓或者因為做功課而遲覆我，但係當我知道佢做緊功課既時候，我都做唔到啲咩，每次都係同佢講加油，講到詞窮。但係我接受唔到我好似被忽略咁，其實我都有好多功課做，但係我再忙都會有一個鐘夜晚時間預留比佢，以前10點之後都會大約keep住online傾計到想訓覺，即係唔會隔好耐先覆一次，但係依家我等一直等一直等佢覆我，最後我都係頂唔順要訓先。我地已經無講電話同埋facetime 好耐自從情人節之後無耐，佢對我好似冷淡左。我以為係心理作用，或者係因為冷淡期？又或者佢愛我既方式唔同左？我有嘗試過你地比我既意見同佢當面講過我既感受，佢有聽，我問佢佢覺得點或者點諗，佢就會話無啊。前幾日係復合之後既四個月，我整左本相簿比佢，佢受到個刻好開心，坐低既時候都主動講話想睇，佢無點認真睇啲字（因為每張相下面都有大概四五行字，總共有16頁到）我問佢佢覺得點，我問佢對我有無啲諗法，佢話無啊，幾好啊。我叫佢返屋企再認真睇下，因為裡面都有我想講既野，佢睇完我再問佢覺得點，佢都只係答我幾好啊。個日有大約半個小時坐係海旁，但係我地無點講過野，佢眼神都無點直視我，我話我好涷佢都無攬住我。我有嘗試係個咁放鬆既時候再同佢傾，可能因為無人出聲，我感覺我個心好空虛，雖然個人坐係我隔離，但係個靈魂唔係到，加上睇完本相簿，我有喊。我同佢講我唔開心，開始飆眼淚望住佢，佢淨係同我講左一句，唔好喊啦就無啦，我真係無野好講，抱抱都無。我問佢仲想唔想同我一齊落去，佢話想，我問佢愛唔愛，佢話愛，我話我好愛佢，佢話佢知道，佢都係我問佢覺唔覺佢對我同以前有小小唔同左，佢話小小啦。之後問佢可唔可以開佢電話睇下，順勢比我，裡面又唔發現有其他女仔，所以可以肯定佢無第二個。其實我覺得我安全感唔夠，佢既行為係其一，第二係言語上，佢唔會主動send 心心或者愛你個啲野，但係gn 我講完 ily 佢都會send翻有埋emoji。琴日我試過佢畫畫前同佢講加油byebye
咁樣佢都即刻覆番一樣既野比我，我故意唔睇佢message 唔onlinewhatsapp 直至到佢落堂，睇下佢搵唔搵我，結果佢真係會同我講佢上完堂啦咁樣。我地習慣邊個遲起身就個個人講早晨先，最近疫情關係我都早起身過佢，爭取時間食homemade早餐，所以早起過去，啲人話如果前晚end左topic，第二日都會搵你代表想同你繼續傾計或者繼續，佢又真係一起身就whatsapp 我同我講bb早晨。我又唔覺得佢抗拒同我打開話題。
唉
我真係唔知係點，其實佢係唔係唔愛我啦
我真係唔想咁容易分手，我已經失去左佢好多次，都怪我，如果再分手，我真係會唔相信愛情。我真係好愛佢 係好愛好愛佢
sorry ar 我打咁大篇野，但係我最後都係忍唔住係到同你地傾，因為我搵唔到傾訴對象，我近幾個禮拜都喊左好多次，我無同佢講，因為唔想佢擔心，何況我係佢面前喊佢無咩反應，咁我同佢講只會令佢覺得我煩。問題我又重複同佢講過好多次，比我都覺得煩。
求下你地幫下我
感受到你嘅無奈同無助， 相信其中一個原因係你男朋友嘅回應同同你真實感受到嘅有出入，例如你男朋友話愛你但又冇 預留時間同你相處，亦都冇體諒你嘅感受。
