月經d血少 去小便又唔見有血....

我女朋友上個月係17號尼m 但今個月係19號先開始尼m但只係得個幾滴…好少…之後去廁所小便但又唔見有血 而今個月我同佢性方面係得3次,每次都有帶套.做哂安全措施,套係冇穿,我想問下咁樣係唔係唔正常定係有咩原因令到有咁既情況?定係懷孕症状?同埋懷孕係唔係一定唔會有月經血流出黎.令到唔會尼m而停經? 搞到好緊張好驚…

今日女朋友再睇一睇 發現一滴血都冇…其實係咩情況??? 有冇人可以知咩事…

Hello @wing9536 :blush: 首先,咁嘅情況唔係懷孕症狀啊,唔洗擔心。你有提及到每次發生性行為都有戴安全套,而且安全套無穿,相信可以排除懷孕嘅可能性 :wink: 不過如果真係好擔心的話,係可以選擇計番最後一次性行為後11日去進行驗孕 :blush: 性行為後7日已經可以獲得初步結果,因為懷孕的話,身體已經會分泌出hCG(孕激素)。而11日後驗孕會更準確係因為受精卵著床一般需要6-9日,著床後會分泌出大量hCG,所以呢個時候驗孕就會更準確及可靠~

懷孕會出現停經嘅原因,係因為女性懷孕之後,身體需要為受精卵著床、生長提供一個合適嘅環境。為此,卵巢會分泌出大量嘅孕激素、雌激素等,令子宮內膜增厚。孕激素、雌激素持續嘅增高,能夠維持子宮內膜唔再脫落,而懷孕期間呢層子宮內膜亦唔會消失,所以女性呢段時間唔會再出現月經 :blush: 當然少數人有機會會懷孕後依然出現下體出血嘅情況,不過原因就唔喺呢度詳談住啦 :wink:

可參閱《Why Does the Menstrual Cycle Stop During Pregnancy》:

但係要留意嘅係,有時月經一段時間未黎未必係等於懷孕,有好多原因都會導致女性月經來遲架 :relaxed: 例如生活作息唔定時、心理質素唔穩定、壓力過大、飲食唔均衡、最近有服用藥物(特別係抗生素類),都會令女性月經來遲,又或者月經情況變得唔穩定(例如黎月經嘅日期、血量、顏色等)。特別係如果食過藥,或者呢個月飲食真係好唔均衡的話,係令血量有機會明顯減少嘅常見原因~

有時因為以上嘅原因,都會有機會令女性月經黎之前1-2日,出現一滴一滴(spotting)嘅出血情況。因為暫時呢個情況女朋友只係出現左1-2日,所以都無需太擔心住。而且如果女朋友一向月經週期都係一個月左右的話,咁都唔需太擔心嘅,可以等多一段時間,睇睇月經有無黎 :relaxed: :relaxed:

不過要留意嘅係,如果女朋友最後今次月經都係無出現番平日嘅血量,而呢個月經「一滴一滴出血」嘅情況持續出現幾個月,咁就有需要去睇醫生,檢查一下卵巢或者其他身體部位有無出現問題啦 :relaxed: :blush: :woman_health_worker: :man_health_worker:

琴日夜晚佢去廁所大便個陣谷左d血出黎…之後到今日佢就正常返…有血係m巾到.咁其實會唔會係佢身體出現問題?定係呢d係正常尼m狀況之一?

月經其實可以以好多唔同形式或者狀態呈現,每個女性嘅都會有啲唔一樣,唔係每一個女性都要連續幾日都大出血先係正常。而且月經可以被好多唔同內在外在因素影響到,就好似人嘅尿液會係進食過唔同食物或者隨著身體狀況而出現變化咁,月經一樣係可以有變化。即使係同一個女性,每個月嘅月經都唔一定係一成不變架。所以遇到有變化,如果都排除咗懷孕或者其他嚴重病症嘅可能性,係唔需要擔心嘅。

有女性會係月經前幾日/頭幾日出現少少血(spotting),之後幾日血量先會變化多啲,呢個都係常見嘅。又或者整個經期都係維持比較少嘅血量,其實都唔直接代表身體有問題嘅。如果懷疑身體有問題,可以留意下未來幾日嘅血量,同埋身體有無出現其他症狀,例如:小便刺痛、分泌物顏色有異(黃色、綠色、啡色、灰色等等)、陰部覺得痕癢/刺痛、不規律地出血、小腹痛等等。

1個讚