避孕舊食幾耐先開始work?

經期第五日開始食第一排藥,要食幾多日先做到避孕效果呢?

Hello @hehhejej :blush: 一般而言,月經期間(月經頭六日)開始服用的話,就應該係會即刻出現藥效。不過穩陣起見,都建議番第一次服用避孕藥嘅頭7日,要額外使用阻隔式避孕工具(e.g.安全套),比較有保障~:exclamation: 比時間身體可以好好適應藥性,能夠準確發揮藥效,避免過程中出現其他因素,增加懷孕風險 :relaxed:

因為都擔心大家唔知服用第一粒藥嘅時候,身體情況係點樣,有機會身體適應唔到藥效,覺得不適,第二日就停止服藥。如果服用第一日就即刻發生唔安全嘅性行為,而第二日因為身體不適就停藥,咁就有機會會有懷孕風險,因為未能持續依時服藥,藥效亦未能好好建立。

不過都想了解番你服用避孕藥之前有無見過醫生? :woman_health_worker: :man_health_worker:

我地一般都會建議服用避孕藥之前諮詢醫生意見,因為每個人嘅身體狀況都唔同,適合嘅避孕藥牌子都唔同,醫生可以建議番邊一種避孕藥先適合自己。加上醫生亦會講得清楚D避孕藥要點樣服用~ :blush:

如果你服用避孕藥之前係無諮詢過醫生嘅意見,食左時候真係覺得唔舒服嘅時候,都可以去再睇番醫生啊~ 而第一次服用避孕藥之前亦要記得睇清楚說明書,因為說明書一般都會講清楚呢款藥物唔適合咩人士服用,同埋服用方式。