同男朋友上個禮拜喺張床嗰度搞嘢 跟住我哋都除咗底褲 然後我坐上佢上面 喺佢性器官上前後磨擦 但係冇插入 我哋雙方都濕嘅 想問咁樣會唔會懷孕因為我已經遲咗四日月經
你好啊 @Laura，你嘅情況的確係會有懷孕風險嘅，不過風險比一般插入式性行為較低。
首先，陰莖性興奮嘅時候，已經會分泌出透明嘅尿道球腺液，內含少量精子，係有機會令女性懷孕 
而且你有提及過程中係喺性器官附近摩擦，咁分泌物係有機會流入到陰道內。不過因為無真係發生插入式性行為，咁懷孕風險都會較一般情況低。
建議番性行為11日後進行驗孕，等自己可以放心 一般性行為7日後驗孕，已經可以有初步結果。不過因為受精卵著床一般需要6-9日時間，著床後會分泌大量hCG值，所以11日後驗孕嘅驗孕結果就會比較穩陣同埋準確。
月經黎遲左其實都有好多原因影響，例如生活作息唔定時、飲食唔均衡、心理質素唔穩定，壓力較大、最近有服用藥物（特別抗生素）等都會有影響。而且暫時都係遲左4日，唔算太多，可以睇多一排先 
最後，記得下次就算無進行插入式性行為，都要用番安全套會穩陣D啊～ 其實今次嘅情況會導致懷孕嘅機會都好細嘅，可以唔洗太擔心先 