好驚有咗 精神崩潰 救快答 長文

今個月4月10到13都有性行為 全部係體外射
我上次來m係3月26日
經期長36至41日
而且已往都有試過失調2到3個月
性行為後覺得下腫近卵巢有小許痛
之後無食過緊急避孕丸
但因害怕係14至18日有食事前避孕丸
我知道無用 但我做左…
呢段期間下腹久唔久有抽痛 主要係盆骨左右兩邊 但吾眼訓
食左前避孕丸後發現胸脹痛 而且關節位吾舒服 於是停藥 之後兩日開始無痛了 而且下腹亦痛少左好多
但我成日覺得有左 成日嘔胃氣 頭有少少痺
係19號開始有量體溫 每朝都係37.2到37.5左右 直到今日
腹痛係21號開始覺得嚴重返 但其實又吾算痛到日常工作吾到 只係右邊盆骨對入位置間中抽痛 而下陰都有谷m個種痺感 無嘔過 胃口一般 但叫我食我又乜都可以食
體重方面 我最近都係49kg 突然係愛愛後食避孕藥個幾日磅(即14到18日)突然跌左2kg
呢個星期(即21號)再磅又重返去返平時水平
今日22號下午去廁所發現底底有好少啡色 抹又無
分泌物係愛愛後個星期有增多 但今個星期少返 主要係白色返淡黃色
我己於昨日第一次驗孕 用clearblue 白雪雪只有橫線 我知道要再等多一個星期先可再驗個我已精神崩潰了 求救

更新下 我本身腸胃好差 好容易胃痛同埋嘔氣

再補充 我呢兩日經常訓兩三個鐘就醒 又吾係想去廁所 要隔一兩個鐘先瞓得返 個人會出曬汗

Hello @Ppp1,對於未有懷孕打算嘅人離講,發生左唔安全嘅性行為,事後一方面又唔知會唔會懷孕,另一方面又未夠日子去驗孕,呢段期間真係會好煎熬 :pleading_face: :pleading_face: 希望我以下嘅回覆可以令你嘅心情稍微平服少少 :blush:

首先,的確4月10-13日嘅性行為係有機會導致懷孕嘅。因為陰莖性興奮嘅時候,已經會分泌出透明嘅尿道球腺液,內含少量精子,係有機會導致懷孕。加上過程中有進行插入式嘅性行為,係會有一定程度嘅懷孕風險。

其實你昨日做嘅驗孕測試結果,相信已經可以作為一個初步結果架啦。你指嘅橫線,係咪指左邊結果窗有一條橫線,同時右邊質控窗係有一條直線?如果係的話,咁就代表你係無懷孕 :smiling_face_with_three_hearts: 暫時可以放一放心先。

雖然距離4月13日(最後一次性行為)只係過左9日,未夠我地一般建議驗孕結果較準確嘅性行為後11日。不過可以同你講,其實一般受精卵著床需要6-9日,我地建議性行為後11日驗孕係因為呢個日子就會比較穩陣 :relaxed: :relaxed: 所以依然係好擔心的話,可以聽日(4月24日)再去驗孕多一次,咁呢個結果就會係可靠架啦 :blush: :relaxed: :two_hearts:

無錯,性行為發生後服用番「事前避孕藥」,其實係做唔到事後嘅避孕效果啊:pensive: 雖然明白你內心可能點都想做番少少野降低懷孕嘅風險,不過要小心咁樣會傷害到自己嘅身體啊 :cry:

因為事前避孕藥每一個牌子嘅荷爾蒙成分都唔同,所以我地都會建議第一次服用事前避孕藥之前,睇睇醫生諮詢先,等醫生可以因應你嘅情況,建議比較適合你嘅避孕藥,避免揀左唔適合嘅避孕藥,對你身體造成好大嘅不適 :woman_health_worker: :man_health_worker:

食左事前避孕藥,一開頭常見嘅初期服用避孕藥副作用係包括,出現嘔心、乳房脹痛、頭痛、頭暈、情緒低落、體重轉變嘅情況等。同你經歷嘅症狀都好相似啊,所以都有機會係因為食左果幾粒避孕藥嘅影響,所以會出現日前身體不適嘅情況~

至於之前出現少量啡色分泌物方面,因為服用避孕藥初期係有機會出現陰道少量出血嘅情況,所以都係正常嘅。

你依家停左藥之後,預計一個禮拜後,身體嘅狀況先會回復得多D :blush: 見你都有話本身自己腸胃都比較差,容易胃痛同埋會有嘔氣。如果腹痛問題,或者其他不適症狀過左一兩個禮拜後依然持續,就建議去睇睇醫生 :wink: 睇下係咪身體部位邊度出現D咩問題啊 :woman_health_worker: :man_health_worker:

最後,都建議番之後發生任何嘅性行為都戴番安全套,或者使用其他避孕措施(例如事前避孕藥、避孕針等):two_hearts: 咁就唔洗好似今次要經歷咁煎熬嘅時間 :pleading_face: :pleading_face: 不過要注意番使用安全套以外嘅避孕措施的話,係未能避免性病傳播嘅風險啊。

如果你最後係想選擇服用事前避孕藥的話,如前文提及過,要記得睇左醫生,諮詢醫生意見先,唔建議依家自行開始服藥啊~

你好啊多謝你 但我仍然好不安 但今日不適已經少咗了 希望經期會快啲來:sob::sob:定會遲來?

我想補充下現時每日都over 37度係咪正常? 我成日check住網上懷孕徵狀覺得好大壓力:sob::sob:

我已經知道錯了:sob::sob:

係咪聽日如果驗孕都係無懷孕我就安全?我見網上好多人要經期遲3至4星期先驗到有

我好怕啊:sob: 如果經期不來怎辦?我仍可相信驗孕結果嘛:sob::sob::sob:

點解d人咁遲先驗到有bb?

相信你真係好擔心呀,一日無月經嚟都好擔心。 :pleading_face:

就好似你咁講,其實你嘅月經平時都唔係好穩定,「經期長36至41日」,亦都「有試過失調2到3個月」,而月經遲嚟嘅原因都有好多,例如生活習慣嘅改變、心理壓力、夠唔夠時間休息等等,又或者好似你依家咁,一直處於擔心會唔會懷孕嘅情況底下,都會影響到月經嚟嘅時間架,你可以去做一啲令自己放鬆啲嘅事,例如聽下音樂睇下Youtube。我明白叫你唔好去「check住網上懷孕徵狀」係好難嘅,與其一直擔心,不如好似 @Sze_StickyRiceLove 俾你嘅建議咁,聽日(4月24日)再check多一次來得確實,只要你跟足說明書上面嘅指引正確咁使用驗孕棒,其實個結果都可信架啦。 :white_check_mark:

網上有好多資訊,好多人唔同嘅經驗同建議,有啲準確,有啲又未必啱,你可以相信嘅,可能就係聽日嘅驗孕結果,果個先會係最真實嘅,網上講嘅嘢,又未必同你嘅狀況一樣架嘛,如果真係真係真係好擔心,都可以去搵醫生檢查嘅,但係你係性行為後11日即係4月24日去驗其實已經準確架啦。 :white_check_mark:

至於有啲人話3-4星期先驗到,其實有機會係佢唔正確咁樣使用驗孕棒呀。有機會係唔夠尿液打濕測試嘅區域,又或者無係指定嘅時間去睇結果,因為如果唔係嘅話,驗孕棒接觸到空氣之後會令結果有變,有機會會出現咗一條虛線嘅情況,令你誤會結果係懷孕。 :persevere:

所以記住都係要**跟返說明書上面嘅指引,**取尿液樣本嘅時候將驗孕棒微微翹起,盡量打濕測試區,睇清楚使用後幾時先會有結果,準時去睇,咁個結果就準確架啦。如果擔心個話,可以買一啲電子驗孕棒,上面會顯示埋你懷孕幾多週嘅,果啲會比較敏感啲,而個結果都係可信嘅。 :white_check_mark:

無論電子定普通驗孕棒嘅原理都係透過檢測尿液中嘅hCG(人絨毛膜促性腺激素)含量嚟判斷有無懷孕,因為只有卵子成功受精果一刻就已經開始分泌hCG,係呢個時候都會有機會驗到有懷孕嘅情況。而受精卵成功著床後,女性身體裡面嘅hCG就會大幅上升,通常著床時間就會係6-9日,咁通常第7日就會有初步嘅結果,11日嘅時候受精卵已經完全著床成功,體內嘅hCG分泌亦都非常足夠檢驗出有無懷孕架啦。

我明白你會係發生咗唔安全嘅性行為之後會有後悔、擔心或者驚恐嘅感覺,呢個感覺令你一直都好不安,開始怪責自己。但係如果雙方都同意咗唔使用安全套,其實呢件事本身就無任何問題,因為雙方都有表達到自己嘅意願。但係我明白好多時候、好多情況之下,都未嚟得切諗究竟係咪雙方同意,當時只係好想接近對方,用性呢樣要去表達對對方嘅愛意,未趕得及準備,就發生咗性行為。唔緊要架,並唔係你嘅錯嚟,只係大家都有少少急進姐,只要好似 @Sze_StickyRiceLove 咁講:

如果對方拒絕使用避孕措施,而你又覺得唔安全嘅話,你係絕對有權拒絕性行為架!知道嗎? :relaxed:

我仲想問啊 有d人話遲排卵就無咁早驗到 係咪真咖? 因為我都吾知自己幾時排卵…

我呢個星期都有高溫over37度 今日起身量於於跌返去36.幾:sob::sob:係咪應該開心?

但係我仍然伴隨半夜扎醒問題,吾急尿的,但下腹都仲有少許扯痛…

我有跟足説明去驗孕,好多謝你地開解我:sob:

排卵期同驗孕其實關係唔大,卵子排出後就只可以生存到1-2日,呢兩日如果無遇上精子嘅話就唔會有機會受精,而精子進入陰道裡面只能夠生存2-3日,如果係排卵前後有性行為而又無做任何安全措施嘅話,就會有懷孕嘅風險架啦。基本上唔會話遲排卵會遲啲驗到,遲排卵反而唔會驗到有懷孕。 :wink:

每個人每個月嘅排卵時間都唔一樣嘅,亦都好難知道自己嘅排卵時間係幾時,除非你日日都用排卵棒去測試自己幾時排卵。而計算排卵期基本上都係一啲想生BB嘅夫妻為咗提供受孕嘅機會而使用,前提係女性嘅月經需要比較規律,而且每次都需要使用排卵棒去測試自己有無排卵,即使月經規律,排卵嘅日子都唔一定係穩定同規律嘅。正正因為排卵嘅日子其實唔會係好規律同穩定,坊間所謂安全期同體外射精都係唔一個正確嘅方法去避孕嘅:relaxed:

體溫真係人人唔同,而且每日都會有變化,只要唔超過37.5度就可以架啦。 :laughing:

半夜扎醒可能係因為太過擔心會懷孕呢件事呀,我知道好難唔再擔心,但試下搵啲自己鍾意嘅嘢去做下,放鬆下自己。 :sunglasses:

既然你都有跟足說明書,都想知道你今日驗嘅結果係點呀?因為其實今日(4月24日)都係你性行為11日後,其實個結果已經準確架啦。 :wink:

你好啊 今日25號了 今早驗左cb plus 都係白雪雪一條條線 無十字 印都無…

但吾知係我多心定咩,琴晚同今朝去廁所有兩次分泌物好似變多了同埋有一兩次見到好似有少少粉紅色,嚇到我以為係着床出血:sob: 但真係好吾明顯

另外呢兩日都伴隨我嚴重腸胃炎 胃痛腸痛同肚痾:sob::sob: 精神仲係好差,打算今日去睇醫生:sob: 但我又好驚食藥影響經期

因為一日無m到一日都好吾安心

另外 仲有人話分泌hcg吾夠都會驗吾到,我會吾會係咁??

我見有d話要19日後先準確,我係咪過幾日要再驗過? 其實幾時嘅結果先最肯定?

一日無m到一日都好擔心啊:sob::sob:

今日去左睇腸胃,然後返到屋企發現好似m到左:sob: 係真係到定着床? 因為應該係提早左幾日尼:sob:

多疑人上

睇返原post同你之前嘅回覆,你前後驗左兩次孕而且第二次係喺你擔心嗰次性行為嘅11日後驗,而結果都係呈陰性,咁就代表真係無懷孕啦:slight_smile: 好似 @Kaleo_StickyRiceLove 咁講,當卵子成功受精之後就會開始分泌hCG,而受精卵著床大概需要6-9日,所以喺性行為嘅11日後驗孕係唔會出現hCG分泌不足而影響驗孕結果嘅情況架,亦都唔需要等到性行為嘅19日後先驗孕,所以可以排除著床出血嘅可能性。

至於你提到之前啲分泌物有少少粉紅色有機會係因為月經前嘅少量滲血,見你話睇完醫生返到屋企之後好似黎左m,相信係指流量多左,咁應該係黎緊m啦,可以放心!:blush: 因為經期會受到唔同因素影響,例如生活習慣改變、心理壓力大、服食過藥物、長期處於擔心嘅狀態等等,所以提早/遲左幾日黎都係好正常嘅事黎架:slight_smile:

你好啊 我仍然有小許不安 想問得詳細啲
上次尼m尼左大概4日到 頭一兩日正常量 但之後得返好少 大概尼左4日到就完左… 平時都要成6至7日先完 完左知後間吾中都覺得下腫有少小吾舒服 總係覺得有野頂住 但按下去又無痛嘅…

上網睇有d人尼左m都會懷孕 令我又無啦啦凝住仲有機會有咗… 我需要再驗多次嘛?

尼完m個4日後 4月26尼 開心左一星期到
今日突然覺得久吾久下腫中間痛 而且個胸偶爾會忍忍痛 但吾係脹痛 只係有少少吉吉地咁痛

而下腹就有種怨痛咁 都係間吾中有 我又凝住有野頂住咁 令我又好不安 好想再驗下

上網睇左好多假性m同作小產資料 又令我坐立不安 因為今次個經期真係比平時短而且量少 頭兩日量較多之後兩日就已經無乜

m尼個陣m痛個d都有,完左之後就正常返 係久不久都覺得下腹有癮癮少痛 同覺得有野頂住咁 胸無脹 但好間歇覺得有吉吉地感覺

我係咪可以完全排除懷可能?應該去睇睇婦科?

希望可以再幫幫我:sob:

因為你之前曾經4月14-18日期間服用過事前避孕藥,有機會係因為避孕藥會抑制子宮內膜嘅增生,令你嘅經血量變少,咁自然流月經日子嘅日子都會變短 :blush: 所以無需太擔心啊。

而下腹有少少唔舒服嘅感覺,建議番可以去睇睇醫生(普通科門診/私家診所都可以~),睇下身體其他部位有無出現問題。見你都有提及過之前都有嚴重腸胃炎、胃痛、腸痛、肚痾等症狀,依家經期已經過左,就可以放心睇醫生啦 :woman_health_worker:t2: :man_health_worker:t2: :relaxed: :two_hearts: 同埋唔建議繼續嘗試按壓下腹,有機會加劇下腹唔舒服嘅情況啊。

而且好多時,其實緊張嘅情緒,都會導致唔同嘅身體徵狀,而比較容易出現嘅徵狀,就係展現喺腸胃方面。就例如好多人緊張、不安嘅時候,都會感到肚痛。而出現呢D徵狀嘅時候,亦會令自己覺得更加緊張。有機會因為本身你嘅腸胃已經出現不適,令你覺得緊張,再加上你最近因為擔心懷孕而感到憂慮,兩者加起上黎令情緒方面比較唔穩定,亦會進一步影響到你嘅荷爾蒙分泌,令身體出現下腹唔舒服嘅徵狀。所以睇醫生嘅時候,都可以同醫生分享最近嘅情況,做個初步嘅檢查,睇下醫生有咩診斷 :relaxed:

如果醫生檢查後,真係發現係子宮/腸胃部份出現問題,就可能會開藥比你,或者再轉介你去婦科度再做進一步檢驗 :wink:

最後,其實你4月25日嘅驗孕結果已經係好可靠架啦 :relaxed: :relaxed: 因為就如 @Ana_StickyRiceLove 所講,果次已經係性行為嘅11日後驗,所以結果呈陰性就即係代表你無懷孕 :bangbang: :wink: 無需要再驗多次~ 如果真係真係好擔心的話,依家再驗多次都係無問題嘅 :blush: 因為如果真係懷孕的話,依家嘅驗孕結果都係會顯示得到。

一般所提及「黎左M都會懷孕」,其實係擔心係咪「流假M」,即係著床性出血 :thinking: 其實著床性出血同月經係有好大嘅唔同。 一般著床性出血嘅 血量較少,顏色較淺 ,可能會少至只有一滴血,部分人可能血量會多少少。血量係 護墊可以承載嘅血量 ,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。睇番你嘅月經係有持續4日,血量亦係一般月經嘅正常量,咁所以絕對唔係著床性出血啊,你嘅出血情況同懷孕並無任何關係 :wink: :wink:

其實依家驗有的話係咪應該條綫會好深兩條色? 我睇就仲係一條白雪雪… 我驚我眼殘 有淺控睇吾到:woozy_face:

今日已經睇左醫生 開左抗生素同消炎藥
但佢又無講咩病…
現時我間歇腰 下腹子宮 及胸部痛 會有咩病機會?:cry:

定情緒都會影響呢d地方不適?

呢兩日又開始變得神經質,
仲會諗係咪宮外孕個d驗吾到,
但有你地開解我舒服好多,希望怪痛快d走

正常嚟講,驗孕棒取尿方法正確,亦都係指定時間去睇驗孕棒嘅話,基本上就會見到明顯嘅結果架啦,係控制區見到一條線出現就證明驗孕棒正常運作,同時測試區出現線先至係懷孕。如果得測試區有線但控制區無線就驗孕棒失效。

而你淨係見到淺淺地嘅線有機會係使用方法唔啱,真係要睇返每個牌子嘅說明書,因為個個都會有唔同,可以試下再驗一次嘅。如果你見到得一條線,基本上就唔會係懷孕架啦。如果你怕自己唔識睇,可以試下買電子驗孕棒,而且當你驗出有懷孕仲會話埋俾你聽懷孕週數。

至於你話去睇咗醫生,拎咗藥,其實下腹子宮及胸部痛都有好多原因嘅,好似 @Sze_StickyRiceLove 咁講:

如果真係唔確定嘅話,可以打電話問返醫生咁樣會準確啲,因為醫生都有幫你做過診斷,佢會比較清楚啲。