應唔應該搵性工作者?

小弟今年21歲,Year 3,1米8,A0。單身咗咁多年,唔想再等落去,心很累,我想知道性行為係咩感覺,單純睇av已經滿足唔到我。我知道性交易只係一樁買賣,有一定風險,但係再等落去唔知要等到幾時。我應該點做?

喺香港搵番合符法例要求嘅性工作者,係合法嘅。所以最後決唔決定搵性工作者係你嘅選擇 :relaxed: :blush: 不過除左一般身體上有機會出現嘅風險外,都可以同你分享心理上可能會出現咩影響,希望可以喺你考慮嘅過程中,比到你可以有多D唔同嘅想法。

不過我分享之前,都想了解下你以前有無發生過D咩經歷,令你覺得個心已經好攰? 認識異性嘅過程中有無遇到過D咩困難?:cry: 而撫心自問,你覺得自己依家需要嘅,係性方面嘅體驗,滿足性幻想,還是內心有其他嘅需要(例如親密感、自信)? :two_hearts:

的確如果你只係單純想體驗性行為的話,搵性工作者可以係一個選擇。亦有唔少人會因為好奇心,或者身邊真係無合適發生性行為嘅對象,而選擇去搵性工作者 :blush: 不過如果你係想得到內心嘅親密感,呢種單次性嘅性經驗就未必可以滿足到你。

亦有少數長期搵性工作者嘅男士,開始出現性依賴(sexual dependence),甚至影響佢地之後對身邊或其他女性嘅觀感(例如變得負面、自認為所有女性都係鍾意發生好多性愛,性生活混亂),呢方面亦會影響之後認識異性嘅過程。所以搵性工作者嘅時候,亦要小心唔好被呢件事令自己失控,影響個人生活,甚至社交關係。

又或者你係單純想為左性,當中無感情關係,而又覺得搵性工作者係一個交易,自己唔太鍾意的話,都可以考慮一下搵性伴侶。因為性伴侶係大家有共識下發生,而大家嘅關係就只有性,唔牽涉任何金錢交易。亦有人可能會選擇發生一夜情。

建議你做任何決定之前,都可以問問自己個心,係需要D咩先 :relaxed: :blush: 希望你最後嘅選擇,係無同你嘅需要相違背啦 :wink:

無論你最後決定係點,發生性行為嘅對象係邊一個人,都要記得戴番安全套,保障雙方,避免性病傳播風險啊~ :relaxed:

1個讚

多謝你哋咁詳細嘅分享啊!

其實我想要嘅係一段親密嘅關係,兩個人能夠互相照顧、扶持、相處嘅時候會覺得舒服,咁就可以。當然有性行為就更理想(因為我未試過:grinning:)。

我諗過用dating app, 但係我留意到之前都有唔少關於網上情緣嘅騙案,始終我冇呢方面嘅經驗,同埋我覺得自己好容易俾人呃,所以一直冇用。

至於身邊嘅女性朋友,我唔知應該點開口,唔係我唔想主動行多步,而係開口之後冇結果會仲尷尬,分分鐘連朋友都做唔成,或者冒住被人叫「狗公」嘅風險。

其實我係想知「性」同「愛」係咩一回事,既然搵性工作者係最快最簡單嘅途徑,一買一賣你情我願,何樂而不為?以前中學讀男校,已經少同異性相處嘅機會;依家大學仲有一年就畢業,我唔想A0 grad,大學四年感情生活一片空白,更加唔想青頭grad,到底我應該點做?

@frank ~ 好開心聽到你分享自己想要嘅,係一段親密嘅關係,並希望彼此能夠互相扶持,相處舒服 :relaxed: :two_hearts: 亦有講到自己曾經考慮過咩方式,同埋當中嘅考量點 :pleading_face: :heartbeat:

「性」「愛」兩者嘅先後次序係點呢?想先體會「性」,然後再尋找「愛」?還是依然期望自己嘅第一次「性」,係能夠同自己「愛」嘅人去分享? :blush: 希望呢條問題,可以幫到你去搵出比較適合自己嘅方式。

大家成日都會提及「大學五件事」,好似每一樣野都有佢嘅時限性,大學嘅時候未拍拖、未發生過性關係,就好似追唔上大家嘅進度,甚至連自己都可能會覺得自卑。記得曾經聽過,每個人都有自己嘅「時區」(time zone),有D人行得快D,有D人行得慢D,正正就係因為每個人人生所面對嘅困難、問題都唔同 :blush: 惟有你覺得自己身心都準備好,再慢慢實踐都未遲。如果你考慮過後,都係好想呢一年內發生到性關係的話,覺得可以揀下自己覺得舒服嘅方式同埋對象啊,然後主動去嘗試啊~~:muscle:t2: :muscle:t2: :wink: 可以揀左自己比較prefer嘅方式先,都係唔work,咁咪再試試其他 :face_with_hand_over_mouth:

首先,既然你覺得性工作者係「一買一賣、你情我願」,呢種牽涉金錢嘅性交易對你黎講係無問題,亦係一個合適嘅,可以考慮嘅選擇,絕對係可以去做啊 :relaxed: :relaxed:

有關身邊女性朋友方面,想知道你所指嘅「唔知點開口」,係指開口想拍拖,定係開口發生性關係? :wink: 前者的話,的確需要多D時間去互相認識,同埋感受一下對方係咪對你都有好感啊 :two_hearts: 不過如果覺得對方對自己都有好感,亦會花時間用心同你相處,有時主動行前多一小步,都係比緊自己一個機會啊 :see_no_evil: :see_no_evil: 你唔講,對方又點會知你嘅感覺呢? :two_hearts: 明白大學嘅環境,真係會好容易就會比人誤解係「狗公」 :nauseated_face: 不過如果真係鍾意一個人,相信你亦會投放時間去認識對方,同對方相處。只要唔係同時間不斷追求好多個女仔,或者隨便就對一個女仔表示發生性行為嘅想法,相信呢個風險會比較低 :kissing_closed_eyes: 同埋「狗公」呢個詞,一般都係再針對部分明明對方已經表示無興趣,擔心依然糾纏、騷擾對方嘅男性。如果你能夠多D留意身邊異性嘅感受,如果發現對方係表現無咩興趣,亦無繼續糾纏對方的話,基本上都唔會比人話係「狗公」嘅 :relaxed:

後者的話,的確以女性朋友黎講,係好難開口去問對方想唔想同你發生性關係。一方面會擔心影響之前建立嘅友誼,又會擔心無論最後有無發生性關係都好,之後見面可能都會尷尷尬尬。畢竟呢個關係開始左,之後就比較難變番好似咩都無發生過咁。想開展Friends with Benefits嘅關係(有個意思係指兩個關係算唔錯嘅朋友,為左滿足彼此嘅性需要,間中發生性關係,但係當中並無真心相愛嘅關係),建議只有當對方有同你持續講一D比較調情挑逗,甚至偏向提及「性」方面嘅話題,先好見面嘅時候,睇下對方有無意思同你發生性關係 :see_no_evil: :see_no_evil: 發生完性關係之後,再睇睇雙方有無意欲繼續維持呢種Friends with Benefits嘅關係。亦要考慮之後亦有機會「沉船」,FWB嘅關係,到最後真係鍾意左對方,對方唔鍾意你又點算呢?或者相反,對方鍾意左你,但係你唔鍾意佢又點算呢? :face_with_hand_over_mouth: :shushing_face:

如果覺得身邊無咩異性,都可以睇睇大學最後一年,會唔會可以參加多D唔同類型嘅活動,擴闊一下社交圈子。一方面比機會自己認識唔同嘅人,另一方面大家亦可以互相交流一下,分享自己認識異性,進而發展拍拖關係嘅方式~ (哈哈,我自己大學Year 1-2果陣,心態都係暗地裡想認識多D異性,所以努力上莊、參加學系活動~ 不過最後都未認識到心儀對象,搞到自己已經無咩期望出pool :rofl: 不過最後竟然係exchange時候出pool,所以緣分嘅野。。。你點都估唔到~ If you never try, you’ll never know :two_hearts: :kissing_closed_eyes:

Dating apps嘅安全性方面,可以喺挑選apps之前,留一下apps嘅特點,例如有無檢舉/列入黑名單嘅選項,同埋兩個人配對左,互相都有興趣,先可以開展對話嘅setting :relaxed: 下載左apps之後,都可以喺個人資料度表明自己想搵咩類型嘅關係,睇睇會唔會搵到需求一樣嘅人 :wink: 最緊要最後約出黎之前,要同自己嘅朋友講一聲(例如你同網友會喺邊度見面、大約見到幾多點、你幾多點未回覆就要打電話搵你等)。第一次約嘅地點亦建議喺一D比較多人嘅地方,好好認識下先。避免第一次就已經夜闌人靜約喺其他地方,發生左咩事都周圍無人注意到 :pleading_face: :pleading_face:

我地糖不甩上年都針對一D dating apps內可能會出現嘅情況,整左一D影片,同埋網上遊戲(模擬交友程式中同人對話)。可以上我地website睇下啊,希望幫到你認識多D網上交友嘅實況~ :smiling_face_with_three_hearts: 如果都想試下用dating apps,個遊戲都可以幫你睇睇你有機會會面對咩類型嘅風險 :grinning: 順便可以學習一下如果遇到唔同情況,可以點樣處理~

:point_right:t2:《糖不甩特輯:網上交友》
https://www.stickyricelove.com/dating-apps?gclid=EAIaIQobChMIl6We0Y6J6QIV062WCh3i9ALLEAAYASAAEgJ-QvD_BwE

有咩困難/擔心位都可以繼續同我地分享啊,我地會依然喺度耐心地聽你分享呢段路上嘅點點滴滴 :two_hearts: :two_hearts: :relaxed:

sp有冇興趣

我地呢個論壇並唔係為尋找性伴侶或者交友而設嘅,唔建議喺呢度留下任何個人資料,公開比其他人睇。因為會有好多其他陌生人都會見到,係會有一定嘅危險性嘅 :wink: 記得要好好保護個人嘅私隱啊~

呢個平台亦唔係合適嘅配對/交友空間。我地將會1小時後刪除你嘅回覆,去保障你嘅個人私隱 :relaxed:

如果有需要可以考慮其他渠道,例如係用唔同嘅交友apps或者社交平台呀~

1個讚

@chychy 你好啊,我地呢個論壇唔係為尋找性伴侶或者交友而設嘅。搵性伴侶係無問題,不過喺網上論壇,要小心避免公開自己嘅聯絡資料啊~

如果你地之間係有興趣聯絡嘅,建議透過其他平台去保持聯絡或相約會面。遺憾我地呢個平台係不設私訊pm功能,未能讓大家透過我地嘅平台繼續交換聯繫方式或傾計 :blush:

都明白嘅,始終安全同私隱問題優先。

其實由出世到依家,大大話話單身咗二十一年,有時喺學校或者返part time嗰陣,見到啲情侶咁sweet, 會忍唔住問自己:點解唔可以係我?係咪我條件真係咁差?到底係我唔夠主動,冇用盡一切方法同途徑結識異性?定係緣份未到,冇得強求?

我嘅心態只不過係未試過性行為同拍拖,我都唔清楚當我經歷完之後同我嘅期望/幻想會唔會出現落差。或者拍過拖、上過床之後,先至明白其實「性」同「愛」到底係咩一回事。唔會再有不切實際嘅幻想呢?

其實都幾神奇,一開始我只係想問關於召妓嘅意見,點知唔經唔覺講咗咁多心底話出嚟:stuck_out_tongue_closed_eyes:

好開心能夠聽到你願意分享更多你過往嘅經歷,同埋中間出現過嘅感覺 :pleading_face: :pleading_face: 聽到真誠嘅分享真係好難得 :two_hearts:

有時望到「街裡愛人一對對」,而自己都係一個人,的確係好想有一個人陪自己一齊去經歷,一齊面對生活中嘅困難,一齊面對生活中嘅快樂。每一個都值得被愛,絕對唔係你條件差或者唔夠努力。你願意去反思自己嘅不足,努力去搵方法去認識異性,其實你已經比好多人更努力架啦 :pleading_face: :pleading_face: 可能你依然會懷疑自己係咪真係唔夠主動唔夠努力呢? :two_hearts: :blush: 咁嘅話,相信只有你比到自己一個肯定嘅答案。無奈嘅係,戀愛呢樣野,往往真係唔係付出就可以得到回報,需要用心去等待。我地會攰,我地會心淡,我地會失去希望。但係希望即使你覺得愛情路上已經覺得好攰,要記得,只要繼續做自己鍾意嘅野,自然會吸引到興趣相近,或者價值觀相近嘅人。

無錯啊,想像同現實總會有落差,有時會想像得好美好,但係現實出到黎係會令自己失望。亦有時想像得好灰,但係現實原來出乎意料地遇到好好嘅人。不過依然都係果句,「If you never try, you’ll never know」。只要你唔害怕失敗,願意踏出一步去嘗試,咁咪去經歷一次「性」/「愛」,睇下會有點樣嘅體驗。體驗唔好嘅話,咁咪睇下有無咩野,其實原來唔適合自己,下一次可以再嘗試其他嘅方法。體驗都算好嘅,咪再去嘗試,再去探索 :relaxed: :shushing_face:

繼續慢慢反思自己過往嘅經歷同自己依家想法嘅關連,都會幫助你去思考之後嘅路要點行啊~

1個讚