上次嘗試過插入式黎自慰，入到兩隻手指，但覺得冇乜感覺，係咪我用唔啱方法？
Hi你好呀 @Worry1， 女仔有性慾係一件非常正常嘅事嚟，就好似男仔成日想打飛機咁，一啲都唔奇怪。亦並唔係性上癮架。 
其實陰道裡面嘅神經比較少，所以你就咁插入去無感覺都係正常嘅。而大部分女仔最敏感嘅地方就係陰蒂，陰蒂係小陰唇最頂頂嘅位置，通常會俾陰蒂包皮包住，你可以試下用手指由陰道口開始向腹部慢慢向上摸，摸到小陰唇最頂嘅位置嘅時候你就會感受到快感，果個位置就係陰蒂啦。 
你可以試下將陰蒂包皮向腹部嘅方向拉開，裡面就會係陰蒂頭，用手指嘅指腹部份刺激佢。建議啱啱開始嘅時候隔住陰蒂包皮去刺激佢先，因為佢係非常之敏感架。你用指腹係陰蒂包皮上面打圈，陰蒂包皮就會刺激到陰蒂頭，就會有快感架啦。
至於有人會將手指插入陰道裡面自慰係因為有啲人喜歡被填滿被插入嘅感覺，但唔係個個都感受到或者鍾意呢種感覺，所以就算你覺得插入陰道無乜滿足嘅感覺都唔係啲咩奇怪嘅事嚟嘅。 
有啲女性係陰道裡面會有個叫G點嘅嘢，但對於呢個G點，其實係學術上都依然好有爭議，未必真係個個都會有，而且型態同位置都未必一樣，但係你可以試下去搵下，睇下會唔會都可以俾你有另外一種刺激。 
位置就係你伸手入陰道裡面，大概2節半手指嘅位置，你會摸到一個表面好粗糙、好似有粒粒、凹凹凸凸嘅物體，只要不停按壓佢就會有快感，不過要令G點有快感係需要至少5分鐘嘅時間去按壓先可以嘅。記住，G點都係要你有性興奮先可以好容易摸得到，所以大前提都係先按摩陰蒂，令自己進入狀態先可以容易啲搵到G點架。 
如果你嘅姿勢適合或者你嘅手指夠長的話，其實可以試下將手指再伸入啲，去到子宮頸嘅位置，果個位置唔少女仔都可以感受到有快感架。 
或者都可以試下買一啲玩具去試下刺激陰蒂，依家有好多玩具表面都睇唔出係玩具架啦，你可以買一啲唇膏型嘅震動器，用震動器係陰道口慢慢向腹部方向移動，去到陰蒂個位置你就有快感架啦，個快感比起自己用手仲高好多提添架。 
另外記住係自慰嘅過程中都要注意返衛生同記住潤滑，因為果度非常幼嫩，可以用返少少潤滑劑同埋指套。而市面上都有唔少特色嘅指套可以選擇架。 
我地嘅IG同Facebook都有啲關於性玩具呀、潤滑劑同指套嘅詳細說明嘅，你有時間可以上去睇下呀～