會唔會大肚??

我有一次摸完龜頭之後,因為啱啱睇完d 野扯左,有d 前列腺液,但係冇打飛機。之後我摸到我屋企人部電話。我已經即刻攞濕紙巾去抹,但係唔記得洗手。我除左佢嘅電話殼,連入面都抹埋。之後佢去左廁所。
但係佢出返黎之後個電話殼入面都仲係濕濕地,好耐都乾唔到,可能冇空間比d 液體蒸發。如果我摸得唔乾淨,或者痴左d 前列線夜上去,佢又摸到跟著接觸到自己陰道。會唔會懷孕?
因為我見過你地話精子只要係液體乾左之後就會死,但係係果種密閉空間裡面,d 液體冇乾到會唔會可以令精子保存到長時間?

你好呀, @Anson1。 你勃起之後流出透明嘅液體其實叫尿道球腺液,雖然裡面有少量精子,但係尿道球腺液裡面係提供唔到養分俾精子嘅,所以精子接觸到任何物質好快就會死亡當你用濕紙巾抹嘅時候已經死亡嘅啦,所以基本上唔會發生到之後嘅嘢,亦都唔會懷孕。 :wink:

如果要精子係體外嘅環境生存幾個鐘嘅話,其實係好嚴格先可以做到,要存放於實驗室裡面,加上溫度同濕度都要保持同人體差唔多嘅情況,而且仲要係無菌嘅情況底下先可以生存幾個鐘,所以你嘅情況係精子已經死亡架啦。同埋如果無發生插入式嘅性行為嘅話,其實懷孕嘅風險係極低架。 :laughing:

我見你係論壇都問咗幾次相同情況嘅問題,感覺你都好怕意外令家人懷孕。呢啲想同你講多次,如果無進行陰道插入式嘅性行為嘅話,懷孕風險係極低嘅。而你經常出現嘅情況,精液唔小心遺留係某個地方屋企人掂到再塞入陰道係無機會懷孕嘅。先不論你屋企會唔會掂完某個地方再自慰,假設真係會出現啲咁嘅情況,你屋企人都唔會懷孕嘅,因爲精子已經死亡,你屋企人係唔會懷孕架。 :persevere:

都俾返個建議你呀,每次自慰嘅時候,都拎定幾張紙巾,當感覺就快射嘅時候,用紙巾覆蓋係龜頭上面,咁樣咪唔會搞到啲精液射到周圍都係,而張紙巾就即刻掉落馬桶沖咗佢,然後即刻用大量洗手液洗手,記住要洗夠20秒,再用紙巾擦乾,再即刻掉張紙巾落垃圾桶,咁就萬無一失啦。 :star_struck: